မတ်လ ၂၈ ရက်က ပြင်းအား ၇ ဒသမ ၇ ရစ်(ခ်)တာစကေးရှိ ပြင်းထန် မြေငလျင်လှုပ်ခတ်မှုကြောင့် အသက်ဆုံးရှုံးမှုများနဲ့ ပျက်စီးဆုံးရှုံးခဲ့ရမှုများအတွက် စာနာနားလည်မှုများနဲ့အတူ ထပ်တူခံစားရပြီး နိုင်ငံတော်အဆင့် ဝမ်းနည်းခြင်းအထိမ်းအမှတ်နေ့အဖြစ် မတ်လ ၃၁ ရက်မှ ဧပြီ ၆ ရက်နေ့အထိ စစ်ခေါင်းဆောင် မင်းအောင်လှိုင် က သတ်မှတ်လိုက်ပါတယ်။
တစ်ပတ်တာသတ်မှတ်ထားတဲ့ ဝမ်းနည်းခြင်းအထိမ်း အမှတ်နေ့ရက်များအတွင် နိုင်ငံတော်အလံကို တိုင်တစ်ဝက်လျှော့ချလွှင့်ထူကြရန် သတ်မှတ်ထားတာပါ။
ငလျင်ဒဏ်ကြောင့် ယနေ့အထိ သေဆုံးသူ ၁၇၀၀ ကျော်ရှိပြီး ထိခိုက်ဒဏ်ရာရရှိသူ ၃၅၀၀ နီးပါးရှိတယ်လို့ စစ်ကောင်စီက ထုတ်ပြန်ထားပြီး မြေပြင်အခြေအနေအရ ထိခိုက်သေဆုံးသူအရေအတွက် ယခုထက်ပိုတယ်လို့သိရပါတယ်။
