သျှမ်းပြည်နယ် တောင်ပိုင်း၊ ပအိုဝ်းကိုယ်ပိုင် အုပ် ချုပ်ခွင့်ရဒေသရှိ ဘုန်းကြီးကျောင်းဝန်းအတွင်း ဓားထောက် ဓားပြတိုက်ခံရမှု ဖြစ်ပွား ခဲ့ကြောင်း ဒေသတွင်းသတင်းများမှသိရသည် ။
ပအိုဝ်းကိုယ်ပိုင် အုပ်ချုပ်ခွင့်ရဒေသ၊ ကျောက်တစ် လုံးကြီးမြို့နယ် နောင်ကား ကျေးရွာအုပ်စု စိန်ဖူးရွာ (ဒုံသဲင်စိန်း) ရတနာစိန်ကျောင်းတိုက်တွင်နေထိုင်သည့်ကပ္ပိယဆိုသူကိုအမည်မသိလူတစ်ဦးမှ ဓားထောက် ဓားပြတိုက်မှု ဇန်နဝါရီ၁၃ရက်နေ့က ဖြစ်ပွားခဲ့ကြောင်း သိရသည်။
” ဖြစ်တဲ့အချိန်ကကျောင်းဝန်းထဲမှာ လူအများကြီးရှိတယ် ဒါပေမယ့် ကပ္ပိယက ဆွမ်းစားဆောင်မှာ တစ် ယောက်တည်းရှိနေတာ အဲ့ဒီအချိန်ကိုအခွင့်ကောင်းယူပြီးလုပ်သွားတာပေါ့ဟု ” သတင်းရင်းမြစ်တစ်ဦးကပြောသည် ။
အဆိုပါကျောင်းဝန်းတွင် နံနက် ၁၀ နာရီအချိန်ခန့်ကဆိုင်ကယ်ဦးထုပ် ဆောင်းထားသည့် လူတစ်ဦး ဆိုင်ကယ်ဖြင့် ရတနာစိန်ကျောင်းတိုက်သို့ ဝင်လာပြီး ဆွမ်းစားဆောင်တွင် တစ်ယောက်တည်း ရှိနေသည့် ကျောင်းကပ္ပိယအား ဓားဖြင့်ထောက်၍ ဖုန်းလေးလုံးယူသွားခဲ့ခြင်းဖြစ်သည် ။
ပအိုဝ်းကိုယ်ပိုင် အုပ်ချုပ်ခွင့်ရ ဒေသတွင်ပြီးခဲ့သည့်လပိုင်းအတွင်းရွှေဆိုင်ဓားပြတိုက်ခံရမှု၊ ကုန်တင်ကား ဓားပြတိုက်ခံရမှု များနှင့် ဆိုင်ကယ်လုယက်ခံရမှုများ ခပ်စိပ်စိပ်ဖြစ်ွပွားလျှက်ရှိပြီး ဒေသတွင်းအာဏာပိုင်များက ဖမ်းဆီးအရေးယူနိုင်ခဲ့ခြင်းမရှိကြောင်း သိရသည် ။