အင်အားကြီး နိုင်ငံရေးပါတီတွေဖြစ်တဲ့ NLD နဲ့ ကျားခေါင်းပါတီ SNLD တို့ကို ဖျက်သိမ်းထားပြီး ပြိုင်ဖက်ပါတီ တွေမပါတော့တဲ့ စစ်ကော်မရှင်ရဲ့ ရွေးကောက်ပွဲဟာ ယနေ့ ဒီဇင်ဘာလ ၂၈ ရက် နံနက်ပိုင်း ၆ နာရီက စပြီး ကျင်းပနေပြီဖြစ်ပါတယ်။
စစ်ကော်မရှင်ရဲ့ ရွေးကောက်ပွဲဟာ အပိုင်း ၃ ပိုင်းနဲ့ ကျင်းပသွားမှာဖြစ်ပြီး ယနေ့ ကျင်းပတဲ့ ရွေးကောက် ပွဲ အပိုင်း ၁ ကိုတော့ မြို့နယ် ၁၀၂ မြို့နယ်မှာ ကျင်းပပြုလုပ်နေတာဖြစ်ပြီး စစ်တပ်ရဲ့ ရွေးကောက်ပွဲကို ပြည်သူလူထု စိတ်ဝင်စားမှုနည်းပါးသလို မဲဆန္ဒလာပေးတဲ့ သူတွေလည်း အရင် ၂၀၂၀ ရွေးကောက်ပွဲ က လို တက်တက်ကြွကြွမရှိဘူးလို့ သိရပါတယ်။
ရွေးကောက်ပွဲ ကျင်းပတဲ့ရက် ဒီမနက်အစောပိုင်းက မန္တလေးမြို့မှာ ရှော့တိုက်ဒုံး ၄ လုံးမှာ ၃ လုံးက ကျုံးထဲကျရောက်တဲ့အတွက် အထိအခိုက်မရှိပေမဲ့ ၁ လုံးက အထဲမှာ ကျတဲ့အတွက် ၂ ယောက်ထိခိုက်မှု ရှိပြီး စိတ်မကောင်းဘူးလို့ မန္တလေးတိုင်း ဝန်ကြီးချုပ် ဦးမျိုးအောင် က မီဒီယာတွေမှာ ဖြေကြားသွားပါတယ်။
အခုလို ရှော့တိုက်ဒုံးနဲ့ ပစ်ခံရတဲ့အတွက် ရွေးကောက်ပွဲကိုတော့ မထိခိုက်ဘူးဆိုထားပြီး လုံခြုံရေးလည်း အပြည့်ယူထားတယ်လို့ ဆိုပါတယ်။