သျှမ်းပြည်နယ်မြောက်ပိုင်း ကျောက်မဲမြို့နယ် နောင်ပိန်တိုက်နယ် ဂုတ်တွင်းဧရိယာအနီးတစ်ဝိုက်ရှိ ကျေးရွာချင်းဆက်လမ်းအချို့အား မြေမြုပ်မိုင်းများ လိုက်လံမြုပ်နှံထားပြီဖြစ်ကြောင်း ဒေသခံများ၏ ပြောပြချက်အရသိရသည်။
“လုံကြိမ်ရွာ ၊နောင်ပစ်ရွာ၊ ခဲလုံရွာ၊ ပါမလုတ်ရွာတစ်ကြောဘက်ကို TNLA တွေက နေရာယူထားကြပြီ။ အဲ့ရွာလမ်းအနီးတစ်ဝိုက်တွေကိုလည်း မြေမြုပ်မိုင်းတွေ လိုက်မြုပ်ထားတယ်လို့ပြောတယ်။ ရွာသူရွာသားတွေကိုလည်း အဝင်အထွက်ကန့်သတ်ထားလိုက်ပြီ။ ဒီနေ့က နောင်ပိန်စေ◌ျးနေ့ဆိုတော့ ရွာသားတွေက စားသောက်ကုန်တွေ ထွက်ဝင်ချင်ကြတာတောင်မထွက်ရဘူးတဲ့။ ပြီးတော့ ကုန်စေ◌ျးနှုန်းတွေလည်း အဆမတန်ကြီးနေပြီ။”ဟု ဒေသခံတစ်ဦးကပြောပြသည်။
နောင်ပစ်ရွာအနီးတစ်ဝိုက်ကို ရံဖန်ရံခါတွင် စစ်ကောင်စီ၏ ရဟတ်ယာဉ်များ ဗုံးလာကြဲလျက်ရှိကြောင်း သတင်းရရှိသည်။