ဒေါ်အောင်ဆန်းစုကြည် လွတ်ငြိမ်းချမ်းသာခွင့်ပေးရေးနှင့် ပတ်သက်၍ ပြန်လည်စဉ်းစားဖို့ အကြောင်းပြချက် ဒါမှမဟုတ် အခြေအနေပေါ် မူတည်၍ ပြန်လည်စဉ်းစားပေးနိုင်ပြီး (သူမ) ဒေါ်အောင်ဆန်းစုကြည် အပေါ်သာ မူတည်ကြောင်း စစ်ခေါင်းဆောင်သမ္မတ ဦးမင်းအောင်လှိုင် ကပြောသည်။
” ကျွန်တော်တို့က အနာဂတ်ကြိုမမြင်နိုင်ဘူး ဘာဖြစ်မလဲမပြောနိုင်ဘူး၊ သူ့ရဲ့လုပ်ဆောင် ချက်အပေါ် မူတည်ပြီး လျော့ပေါ့စဥ်းစားရမယ့် အချက်တွေ ပေါ်လာရင်လဲ ကျွန်တော်တို့ စဥ်းစားမှာပဲ၊ ဒါလဲ သူမ အပေါ်မူတည်မယ် ” ဟု ၄င်းကပြောသည်။
နေပြည်တော်ရှိ နိုင်ငံတော်သမ္မတရုံး၌ အမေရိကန်အခြေစိုက် Time Magazine မှ သတင်းထောက် Charlie Campbell နှင့် စစ်ခေါင်းဆောင်သမ္မတ ဦးမင်းအောင်လှိုင် တို့ အင်တာဗျူးတွင် ယင်းသို့ဖြေကြားခဲ့ခြင်းဖြစ်သည်။
ဆက်လက်၍ ဦးမင်းအောင်လှိုင် အနေဖြင့် ဒေါ်အောင်ဆန်းစုကြည်အပေါ် အလွန်အမင်းသက်ညှာပေးထားကာ အကျဥ်းထောင်တွင်မထားပဲ နေအိမ်တွင် သက်တောင့်သက်သာ ဖြင့် ပြစ်ဒဏ်ချမှတ်ထားသည်ဟုလည်းဆိုသည်။
၂၀၂၁ ခုနှစ် ဖေဖော်ဝါရီ ၁ ရက် စစ်တပ်အာဏာသိမ်းချိန် ကတည်းက ဖမ်းဆီးခံထားရသော ဒေါ်အောင်ဆန်းစုကြည်သည် နိုင်ငံရေးအမှုများစွာနှင့်နှစ်ရှည်ထောင်ဒဏ် ချမှတ်ခံထားရပြီး၂၀၂၆ ခုနှစ် ဧပြီလအတွင်း စစ်ခေါင်းဆောင်မှ ဒေါ်အောင်ဆန်းစုကြည်၏ ပြစ်ဒဏ်ကို လျှော့ပေါ့ပေးခဲ့ပြီး နောက်ပိုင်းတွင် နေပြည်တော်အကျဉ်းထောင်မှ သတ်မှတ်ထားသည့် နေအိမ်တစ်ခုတွင် ကျန်ပြစ်ဒဏ်ကို ဆက်လက်ကျခံစေရန် ပြောင်းရွှေ့ထားသည်။
photo credit online
