ဒေါ်အောင်ဆန်းစုကြည်ကို အမြန်ဆုံးပြန်လွှတ်ပေးဖို့ အာဆီယံအလှည့်ကျဥက္ကဋ္ဌ ဖိလစ်ပိုင် နိုင်ငံခြားရးဝန်ကြီးက ဧပြီလ ၁၉ ရက်နေ့မှာ ကြေညာချက်ထုတ်ပြန်ပြီး တောင်းဆိုလိုက်ပါတယ်။
ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားအားလုံး အထူးသဖြင့် သက်ကြီးရွယ်အိုတွေနဲ့ ကျန်းမာရေး မကောင်းသူတွေကိုပါ လွှတ်ပေးဖို့ အဓိကအရေးကြီး လိုအပ်ချက်ဖြစ်ပြီး ဒါဟာ သက်ဆိုင်သူ အားလုံးပါဝင်မယ့် အဓိပ္ပာယ်ရှိတဲ့ အမျိုးသားဆွေးနွေးပွဲနဲ့ အာဆီယံဘုံသဘောတူညီချက် ၅ ချက်ကို အကောင်အထည်ဖော်ဖို့အတွက်လည်း အထောက်အကူဖြစ်စေနိုင်တယ်လို့ ဖိလစ်ပိုင် နိုင်ငံခြားရေး ဝန်ကြီးက ထောက်ပြထားပါတယ်။
ပြီးခဲ့တဲ့ ဧပြီလ ၁၇ နေ့ကလည်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် ဖမ်းဆီးထားသူ နိုင်ငံရေးအကျဥ်းသားများအားလုံး အမြန်ဆုံးလွှတ်ပေးဖို့ ကုလသမဂ္ဂ က တိုက်တွန်းထားပါတယ်၊
လက်ရှိအချိန်အထိ စစ်အုပ်စုက ဒေါ်အောင်ဆန်းစုကြည် အား ဘယ်နေရာမှာ ထိန်းသိမ်းချုပ်နှောင် ထားတယ်ဆိုတာကို ထုတ်ဖော်ပြောဆိုထားတာမရှိသလို ပြည်သူတွေအနေနဲ့လည်း ဒေါ်အောင်ဆန်း စုကြည် ရဲ့ ကျန်းမာရေးအခြေအနေကို စိုးရိမ်နေကြပါတယ်။