ထိုင်းမှာ ကျင်းပနေတဲ့ SEA Games မှာ ပါဝင်တဲ့ ကမ္ဘောဒီးယား အားကစားသမားများ ပုံမှန်အတိုင်း ပါဝင်ယှဥ်ပြိုင်ရန် တိုက်တွန်းထား
ထိုင်းက ကမ္ဘောဒီးယားကို F-16 တိုက်လေယယဥ်နဲ့ ယမန်နေ့ညနဲ့ ယနေ့နံနက်ပိုင်းအထိ ဗုံးကျဲတိုက်ခိုက်နေပြီး ဒါကို ပြန်လည်တုံ့ပြန်ဖို့ Red Line သတ်မှတ်ထားပြီဖြစ်တယ်လို့ ကမ္ဘောဒီးယား အထက်လွှတ်တော် ဥက္ကဋ္ဌ ဟွန်ဆန်က သူ့ရဲ့ လူမှုကွန်ယက်စာမျက်နှာမှာ ရေးသားထားပါတယ်။
“ ပြန်လည်တုံ့ပြန်ဖို့ Red Lin သတ်မှတ်ထားပြီးပါပြီ၊ ရှေ့တန်းအရာရှိနဲ့ စစ်သည်များအားလုံး သိရှိနားလည်ကြရန်နဲ့ အန္တရာယ်ဇုန်ထဲမှာ ရှိနေတဲ့ သူတွေကို ဘေးကင်းလုံခြုံတဲ့နေရာရွှေ့ဖို့ အာဏာပိုင်တွေ ကူညီပေးကြပါ” လို့ သူက ညွှန်ကြားထားပါတယ်။
ပြည်တွင်းနဲ့ နိုင်ငံတကာက ဧည့်သည်တွေကိုလည်း ယခုချိန်မှာ တွေ့ဆုံလို့မရတဲ့အတွက် နားလည်ပေးကြရန်လည်း သူကရေးသားထားပါတယ်။
ထိုင်းနိုင်ငံမှာ ကျင်းပနေတဲ့ ၃၃ ကြိမ်မြောက် SEA Games မှာ ပါဝင်ယှဥ်ပြိုင်မယ့် ကမ္ဘောဒီးယား အားကစားများအနေနဲ့ ပွဲစဥ်တွေမှာ ပုံမှန်အတိုင်း ပါဝင်ကစားကြရန် သူကတိုက်တွန်းထားပါတယ်။
ထိုင်းစစ်တပ်က ကမ္ဘောဒီးယားနယ်မြေအတွင်းရှိ စစ်ရေးပစ်မှတ်တွေကို F-16 တိုက်လေယာဥ်နဲ့ ဗုံးကြဲတိုက်ခိုက်ပြီး ကမ္ဘောဒီးယားဘက်မှ BM-21 ဒုံးကျည်တွေနဲ့ ပြန်လည်ပစ်ခတ်ခဲ့တယ်လို့ ထိုင်းစစ်တပ်က ယနေ့ နံနက်ပိုင်းမှာ ထုတ်ပြန်ထားပါတယ်။
ပြီးခဲ့တဲ့ သြဂုတ်လတုန်းက အမေရိကန် သမ္မတ ကြားဝင်မှုဖြင့် ထိုင်းနဲ့ ကမ္ဘောဒီးယားတို့က အပစ်ရပ် သဘောတူလက်မှတ်ရေးထိုးခဲ့ပြီးမှ ယခုလို နှစ်နိုင်ငံစစ်ရေးတင်းမာလာတာပဲဖြစ်ပါတယ်။