လက်နက်ကိုင် အကြမ်းဖက်သောင်းကျန်းမှုတွေ ချုပ်ငြိမ်းစေဖို့ နဲ့ နယ်မြေဒေသတည်ငြိမ်အေးချမ်းရေး တရားဥပဒေ စိုးမိုးရေးတို့ကို ထိရောက်စွာ ဆောင်ရွက်နိုင်ဖို့အတွက်ဆိုပြီး တိုင်းနဲ့ ပြည်နယ်က မြို့နယ် ၆၀ ကို စစ်အုပ်ချုပ်ရေး ကြေညာလိုက်ပါတယ်။
အဲ့ဒီအမိန့်ကို အာဏာသိမ်းခေါင်းဆောင်ရဲ့ သမ္မတရုံးက ယနေ့ ဧပြီလ ၂၃ ရက် ညပိုင်းမှာ ထုတ်ပြန်ကြေညာလိုက်တာပါ။
စစ်အုပ်ချုပ်ရေး ကြေညာလိုက်တဲ့ မြို့နယ် ၆၀ မြို့နယ်ထဲမှာ သျှမ်းပြည်နယ်က ၁၅ မြို့နယ်ပါဝင်ပြီး နမ္မတူ၊ မဘိမ်း၊ ကွတ်ခိုင်၊ နမ့်ခမ်း၊ သိန္နီ၊ ကွမ်းလုံ၊ နမ့်ဆန်၊ မန်တုံ၊ ဟိုပန်၊ လောက်ကိုင်၊ ကုန်းကြမ်း၊ မိုးမိတ်၊ ကျောက်မဲ၊ သီပေါ နဲ့ မိုင်းလားမြို့နယ်
တို့ပဲဖြစ်ပါတယ်။
စစ်အုပ်ချုပ်ရေး ကြေညာထားတဲ့ မြို့နယ်များရဲ့ အုပ်ချုပ်ရေး နဲ့ တရားစီရင် ရေးတာဝန်တွေကို သက်ဆိုင်ရာတိုင်းမှူးများ အနေနဲ့ စစ်အုပ်ချုပ်ရေး အာဏာကျင့်သုံးနိုင်တယ်လို့ ကာချုပ်ရုံးက ထုတ်ပြန်ထားပါတယ်။