တာချီလိတ်မြို့နယ်မှာ စက်တင်ဘာလ ၂၀ ရက်နေ့က ကာလတန်ဖိုး ငွေကျပ်သိန်း ၉၆၀၀ တန်ဖိုးရှိ စိတ်ကြွဆေးပြား ၂၄ သိန်း ဖမ်းဆီးရမိခဲ့တယ်လို့ CCDAC Myanmar က သတင်းထုတ်ပြန်ထားပါတယ်။
သတင်းအရ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ ပါဝင်တဲ့ ပူးပေါင်းအဖွဲ့ဟာ တာချီလိတ်မြို့၊ မကာဟိုခမ်းရပ်ကွက်၊ မယ်ဆိုင်ရေချောင်းဘေးသို သွားရောက်စစ်ဆေးရှာဖွေရာ စောရန်နိုင်၊ နဝရတ်ဂျ်(ခ)အောင်သူရ၊ အားထူ၊ ဇော်လွင်ဦး(ခ) အဝင်း နဲ့ လွမ်းကိုကိုမောင်(ခ)မှတ်ကြီး တို့ ၅ ဦးအား စိတ်ကြွ ဆေးပြား ၂၄ သိန်းနဲ့ လက်ကိုင်ဖုန်း ၆ လုံး တွေ့ရှိ သိမ်းဆည်းရမိခဲ့တယ်လို့ ဆိုပါတယ်။
အဆိုပါ ဖမ်းဆီးရမိသူ ၅ ဦးကို တာချီလိတ်မြို့မရဲစခန်းမှာ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက် ဖော်ထုတ်နေတယ်လို့ ထုတ်ပြန်ချက်မှာ ဖော်ပြထားပါတယ်။
Source − CCDAC
