သျှမ်းပြည်နယ်အရှေ့ပိုင်းတာချီလိတ် မြို့နယ်တွင်း ၊၂၀၂၃နှစ် ဇန်နဝါရီလမှ စတင်ကာ ယနေ့ ဖေဖေါ်ဝါရီလ (၁၂)ရက်နေ့အထိ ယာဉ်မတော်တဆမှုကြောင့် သေဆုံးသူ (၉)ဦး၊ထိခိုက်ဒဏ်ရာရရှိသူ (၅)ဦး ရှိနေပြီး ယခင်နှစ်များထက် သေဆုံးထိခိုက်ဒဏ်ရာရရှိသူများနေကြောင်း သိရသည်။
” ယာဉ်/လမ်း စည်းကမ်းတွေနားမလည်ကြတာများတယ် ၊ တချို့ဆိုကွေ့ရင်အနောက်တောင်မကြည့်ဘူး၊ ပြီးတော့ မူးယစ်ဆေးဝါးပေါ့ သုံးစွဲထားတော့ အထူးသ ဖြင့်ကားမောင်းတဲ့သူတွေမှာတွေ့ရမယ် ၊ တစ်ခါကဆို သူ့လမ်းကြောင်းမဟုတ်ဘဲ တစ်ဖက်လမ်းကြောင်း ပြောင်း ပြန်မောင်းပြီး ဆိုင်ကယ်တစ်စီးကိုဒဲ့သွားတိုက်တာ မျိုးပေါ့ ” ဟု တာချီလိတ်မြို့ခံတစ်ဦးကပြောသည် ။
ယာဉ်မတော်တဆမှုများတွင်သေဆုံးထိခိုက်ဒဏ်ရာရရှိသူအများစုသည် ဆိုင်ကယ်အသုံးပြုသူများဖြစ်နေပြီးသေဆုံးသူအများစုမှာ ဆိုင်ကယ်ဦးထုပ်မဆောင်းဘဲ မောင်းနှင်သွားလာနေသူများ ဖြစ် ကြောင်း ၄င်းကပြော သည် ။
” တာချီလိတ်မှာကသိတဲ့အတိုင်းလမ်းတွေကအရမ်းကျဥ်းတာ တိုးပွားလာတဲ့ ကားတွေ/ ဆိုင်ကယ်တွေ နဲ့လက်ရှိလမ်း အနေအထားမမျှဘူး တစ်ဖက်ကလမ်းမှားဝင်လာရင် ရှောင်ဖို့နေရာမရှိဘူး ဒါတွေကြောင့်လဲမတော်တဆ ဖြစ်ကြတာပေါ့ ” ဟု မြို့ခံများက ပြောဆိုဝေဖန်ကြသည် ။
ယခုကာလအတွင်း ဆိုင်ကယ်စီးရေ (၃၅၀၀)စီးအား ယာဉ်စည်းကမ်း၊လမ်းစည်းကမ်းနှင့်အတူ ဆိုင်ကယ်စီး ဦးထုတ် မဖြစ်မနေ ဝတ်ဆင်ရေးအတွက် အသိပညာပေး ပြောကြားခဲ့ပြီးပညာပေးဆောင် ရွက်နေသည့်ကာလ အ တွင်း၌ပင် နှစ်ကြိမ်တိုင်တိုင် စည်းကမ်းဖောက်ဖျက်၍လိုက်နာခြင်းမရှိသူများအား အရေးယူဆောင်ရွက်ခဲ့ရာ ၂၀၂၃ ခုနှစ် တစ်လကျော် ကာလအတွင်း စည်းကမ်းပျက်ယာဉ် (၂၂၁) မှု အရေးယူဆောင်ရွက်ခဲ့ပြီးကြောင်း တာချီလိတ်ယာဥ်ထိန်းရုံးကသတင်း ထုတ်ပြန် ထားသည် ။
