သျှမ်းပြည်အရှေ့ပိုင်း ၊ တာချီလိတ်တွင် ရေကြီးရေလျှံလျော့ နည်းစေရန် စည်ပင်နှင့် ဒေသအာ ဏာပိုင်များကမြို့ပေါ်ရပ် ကွက်အတွင်း တံတားငယ် များလိုက်လံတည်ဆောက်နေမှုအပေါ် တာချီလိတ်မြို့ခံများကြား ဝေဖန်မှုမြင့်တက်နေကြောင်း သိရသည်။
“ တံတားဆောက်ရမှာမဟုတ်ဘူးမြောင်းတွေလိုက်ဖော်ပေးရမှာ၊ရေတွေမဝပ်မအိုင်အောင်မြောင်းဖော်ပေးရမှာဖြစ်သလို အမှိုက် ပစ်တဲ့ကိစ္စ နဲ့ အထက်ချောင်းအပေါ်မှာ ရွှေတူးတဲ့ ကိစ္စတွေ ၊ ချောင်းဘေးတွေမှာ အိမ်ဆောက်တဲ့ ကိစ္စတွေ အဲ့တာတွေကို ထိထိရောက်ရောက်ကိုင်တွယ်ဖြေရှင်း ပေးမှ အဆင် ပြေနိုင်မှာ အခုလုပ်ပုံက အနာတစ်ခြားဆေးတစ်ခြားလို့ မြင်တယ် ” ဟု တာချီလိတ်မြို့မိမြို့ဖခံတစ်ဦး ကဝေဖန် ပြောဆိုသည်။
တာချီလိတ် မြို့နယ် စည်ပင်သာယာရေးဌာနမှ အဆိုပါတံတားငယ်( ၁၄ )စင်း ကို ၃ လအတွင်းအပြီးတည်ဆောက်မည်ဖြစ်ပြီး မြို့တွင်းဖြတ်သန်းစီးဆင်းနေသော ရေချောင်းများကိုလည်းလက်ရှိ ဆယ်ယူရှင်းလင်းနေကြောင်းသတင်းထုတ်ပြန်ထားသည်။
“ မယ်ဆိုင်ချောင်း ပေါ်မှာ ၂ နိုင်ငံလုံးက တိုးချဲ့ ဆောက်လုပ်ထားတဲ့ အဆောက်အဦးတွေရှိတယ် အဲ့တာကြောင့်လဲ ချောင်းကမူလထက် ရေစူးတိမ်လာသလို ကျဥ်းမြောင်းလာတယ်လေ အဲ့ဒီလိုကျဥ်းနေသမျှ ကြိုက်သလောက်လုပ် ရေကြီးနေဦးမှာပဲ ချောင်းကို ပြန်ချဲ့လို့ မရနိုင်တော့ရင် ရေစူး နက်အောင် တူးမှ အတော်သင့် ရေလျှံမှု ကို လျော့နဲ စေမှာပါ လျှောက်လုပ်နေမယ့်အစားထိရောက်တဲ့ လုပ်ဆောင်ချက်တွေအရင်စဥ်းစားဖို့လိုတယ် ” ဟု တာချီလိတ် မြို့ခံနောက်ထပ်တစ်ဦးကလည်းပြောသည်။
အဆိုပါ တံတားငယ်( ၁၄ )စင်းတည်ဆောက်ရန် လျာထားရာတွင် ပုန်းထွန်ရပ်ကွက် တွင် တံတား ( ၅ )စင်း၊ မကာဟိုခမ်းရပ်ကွက်တွင်တံတား ( ၄ ) စင်း၊ ရန်အောင်မြေရပ်ကွက်တွင် တံတား( ၂ ) စင်း၊ မယ်ခေါင်ရပ်ကွက်တွင်တံတား( ၂ )စင်း၊ ဆန်ဆိုင်း (ခ)ရပ်ကွက် တွင်တံတား ( ၁ )စင်း ဟူ၍ စုစု ပေါင်း တံ တားငယ်(Slab Culvert)များ(၁၄)စင်းနှင့် ရေမြောင်း လုပ်ငန်း ( ၅ )ခုတို့အားစည်ပင်သာ ယာရေးဌာနမှ ၂၀၂၆ -၂၀၂၇ ခုဘဏ္ဍာရေးနှစ်တွင်အကောင်အထည်ဖော် ဆောင်ရွက်မည်ဖြစ်ကြောင်း သိရသည်။
တာချီလိတ်မြို့တွင် ရေကြီးရေလျှံမှု ပိုမိုဆိုးရွားလာရခြင်းမှာ မယ်ဆိုင်ချောင်းတစ်လျှောက်တွင် ရွှေတူးဖော်ခြင်းလုပ်ငန်းများ အလွန်အကျွံ လုပ်ကိုင်လာခြင်းကြောင့် ဖြစ်သည်ဟုလည်းဒေသခံများနှင့် သတင်းရင်းမြစ်များက ဆိုကြသည်။
ရွှေတူးဖော်ခြင်းကရေကြီးမှုကိုဖြစ်စေသည့်အဓိကအ ကြောင်းရင်းများမှာရွှေတူးဖော်ရာတွင် ထွက်လာသည့် မြေစာများနှင့် နုန်းမြေများ ချောင်းအတွင်းသို့ စီးဝင်ကာ ချောင်းကို တိမ်ကောစေသည်။ ထို့ကြောင့် မိုးအနည်းငယ် ရွာရုံဖြင့် ချောင်းရေလျှံတက်လာတတ်သည် ဟုဆိုသည်။
“ ရွှေတူးတဲ့နေရာမှာ စက်ယန္တရားတွေနဲ့ အလွန်အ ကျွံ တူးဖော်ကြတာပေါ့ ၊ အဲ့ဒီအတွက်ဘေးထွက်ဆိုးကျိုးက ချောင်းဘေးတစ်လျှောက် မြေသားတွေ ပျက်စီးလာပြီး တောင်ကျရေကို ထိန်းနိုင်စွမ်းလျော့ နည်းသွားတယ် ၊ မြေဆီလွှာ ပျော့ပျောင်းလာပြီး မိုးရွာ တဲ့အခါ တောင်ကျရေနဲ့အတူ မြေစာပုံတွေ ဒလ ဟော စီးဆင်းလာပြီး ရေစီးကြောင်းတွေ ကို ပိတ်ဆို့စေတယ် ” ဟု သဘာဝ ပတ်ဝန်းကျင် ထိန်း သိမ်း ရေးတက်ကြွလှုပ်ရှားသူတစ်ဦးကပြော ဆို ထောက်ပြသည်။
ယင်းအခြေအနေများကြောင့် တာချီလိတ်မြို့ပေါ်ရှိ တာလော့၊ ပုန်းထွန်၊ မကာဟိုခမ်းနှင့် ဆန်ဆိုင်း ကဲ့သို့သော အနိမ့်ပိုင်းရပ်ကွက်များတွင် နှစ်စဉ် ရေကြီးမှုဒဏ်ကို ပိုမိုခံစားနေရကြောင်းသိရသည်။