သျှမ်းပြည်နယ်မြောက်ပိုင်း ၊ ပလောင်ကိုယ်ပိုင်အုပ်ချုပ်ခွင့်ရဒေသ နမ့်ဆန်မြို့ မှာ စက်သုံးဆီ ပြတ်လပ်နေသည်မှာ တစ်ပတ်ကျော်ကြာရှိပြီဖြစ်ပြီး ပြည်သူလူထုတွေ အခက်အခဲ ကြုံနေရတယ်လို့ ဒေသခံသတင်း ရင်း မြစ်မှ သိရပါသည်။
သျှမ်းပြည်နယ်မြောက်ပိုင်းမှာ မြို့သိမ်းတိုက်ပွဲ ဖော်ဆောင်လာပြီးနောက်ပိုင်း တိုက်ပွဲကြောင့် လမ်းမကြီးအတိုင်း သွားလာလို့မရသလို တံတားအများစုလည်း ဖျက်ဆီးခံရတဲ့အတွက်ကြောင့် စက်သုံးဆီများ သယ်ယူရာမှာ အခက်အခဲဖြစ်ကြောင်းသိရသည်။
ဒါ့အပြင် ဒေသတွင်း ဖွင့်လှစ်ရောင်းချလျက်ရှိသော ဆီပန့်ဆိုင်များမှ ဓါတ်ဆီ၊ ဒီဇယ်ဆီများ ပြတ်လပ်သွားကာ ပြည်သူလူထုအနေနဲ့ အခက်အခဲ ကြုံတွေ့နေရကြောင်း သိရပါသည်။
အချို့သော ဆီပန့်ဆိုင် ပိတ်ထားတာ (၁၅)ရက်ရှိပြီဖြစ်ကာ စက်သုံးဆီပြတ်လပ်မှုအပြင် မြို့တွင်းလျှပ်စစ်မီးပါ ပျက်တဲ့အတွက်ကြောင့် လက်ဖက်စက်ရုံများ နားထားရကြောင်း ဒေသခံများထံမှ သိရပါသည်။