သျှမ်းပြည်တောင်ပိုင်း၊ ကွန်ဟိန်းမြို့နယ်၊ ကာလိမြို့၊ ဝမ်မိုင်ကျေးရွာအနီး သံလွင်မြစ်ကူး ကူးတို့ဆိပ်မှာ တရားမဝင် ပြည်ပနိုင်ငံသားများ ရောက်ရှိနေထိုင်တဲ့ တရုတ်နိုင်ငံသား ၄၃ ဦးကို လုံခြုံရေးတပ်ဖွဲ့ဝင်တွေ ပါဝင်တဲ့ ပူးပေါင်းအဖွဲ့တွေက ယမန်နေ့ နံနက်ပိုင်း ၂ နာရီခန့်မှာ ဖမ်းဆီးထိန်းသိမ်းနိုင်ခဲ့တယ်လို့ သိရပါတယ်။
ဖမ်းဆီးရမိသူရဲ့ ထွက်ဆိုချက်အရ သျှမ်းမြောက်၊ တန့်ယန်းမြို့နယ်အတွင်း ကျားဖြန့်လုပ်ငန်း လုပ်ကိုင်နေစဥ် လုံခြုံရေးတပ်ဖွဲ့တွေ လိုက်လံဖမ်းဆီးတာကြောင့် တရုတ်နိုင်ငံသို့ ပြန်ရန်အတွက် တောလမ်းအတိုင်း ထွက်ပြေးလာချိန်မှာ ဖမ်းဆီးခံခဲ့ရတာလို့ ဆိုပါတယ်။
အကြောင်းအမျိုးမျိုးကြောင့် မြန်မာနိုင်ငံအတွင်းသို့ ရောက်ရှိနေပြီး ကျားဖြန့်လုပ်ငန်းမှာ ပါဝင်ပတ်သက်တဲ့ ပြည်ပနိုင်ငံသားတွေကို ဥပဒေနဲ့အညီ စစ်ဆေးပြီး သက်ဆိုင်ရာနိုင်ငံသို့ ပြန်လည်လွှဲပြောင်းပေးမှာဖြစ်တယ်လို့ စစ်အုပ်စုက ထုတ်ပြန်ထားပါတယ်။
Photo – MOI