သျှမ်းပြည်နယ်မြောက်ပိုင်း လားရှိုး-သီပေါ လမ်းမကြီးပေါ်ရှိ စဉ့်အင်တံတား မိုင်းခွဲဖျက်ဆီးခံထားရခြင်းကြောင့် လားရှိုး-သီပေါ လမ်းပိုင်းကိုအသုံးမပြုနိုင်သည်မှာ လပိုင်းရှိနေပြီဖြစ်သည်။
စဉ့်အင်(ယာယီ) ချောင်းကူးတံတားအား ယနေ့ (၂၇.၁.၂၀၂၄) ရက်နေ့တွင် တည်ဆောက်ပြီးစီး၍ အိမ်စီးကားများ၊ ခရီးသည်တင်ယာဉ်ငယ်များအား ဖြတ်သန်းခွင့်ပြုပြီဖြစ်ကြောင်း သိရသည်။
သီပေါဘက်မှလာပါက ယခင်စဥ့်အင်တံတားအနီးမှညာဘက် လမ်းအတိုင်း ၁၅မိနစ်ခန့် လားရှိုးဘက်မှလာလျှင်စဥ့်အင်ရွာအဝင်နတ်စင်ညောင်ပင်အနီးမှဘယ်ဘက်သို့၁၅မိနစ်ခန့်
မောင်းနှင်ပါက ယခု ယာယီတံတားထံရောက်ရှိမည်ဖြစ်သည်။
ယာယီတံတားအား SSPP အဖွဲ့က တည်ဆောက်ထားခြင်းဖြစ်ပြီး ယာဉ်ဖြတ်သန်းခကို ကောက်ခံသွားမည်ဖြစ်ကြောင်း သတင်းရရှိသည်။
