ယခုနှစ်ကုန်ပိုင်းမှာ စစ်ကော်မရှင်က ကျင်းပပြုလုပ်မယ့် အတုအယောင် ရွေးကောက်ပွဲနဲ့ ရလဒ်အပေါ် ကန့်ကွက်ပေးရေးနဲ့ အသိအမှတ်မပြုရန် (၁၅၁)ကြိမ်မြောက် နိုင်ငံတကာပါလီမန်များ ညီလာခံ(IPU)နှင့် ဆက်စပ်အစည်းအဝေးများမှာ CRPH က တောင်းဆိုလိုက်တယ်ပါတယ်။
ဆွေးနွေးပွဲကို ဆွစ်ဇာလန်နိုင်ငံ၊ ဂျီနီဗာမြို့မှာ အောက်တိုဘာလ ၁၉ ရက်မှ ၂၃ ရက်နေ့အထိ ကျင်းပြုလုပ်ခဲ့ပြီး ပြည်ထောင်စုလွတ်တော်ကိုယ်စားပြုကော်မတီ(CRPH)မှ ဒေါက်တာဝင်းမြတ်အေး နဲ့ ဒေါ်ဇင်မာအောင်တို့ ပါဝင်တဲ့ ကိုယ်စားလှယ်အဖွဲ့ဝင်အချို့ တက်ရောက်ခဲ့ပြီး ရွေးကောက်ပွဲအား ကန့်ကွက်ရန် တောင်းဆိုလိုက်တာဖြစ်ပါတယ်။
ဒါ့အပြင် လက်ရှိ ပဋိပက္ခဖြေရှင်းရေးနှင့် ရေရှည်တည့်တံ့သော အဖြေရှာခြင်းတွင် တော်လှန်ရေး အင်အားစုများ၏ ဆောင်ရွက်သွားမယ့် လုပ်ငန်းစဉ်များအပေါ် ထိရောက်တဲ့ ပံ့ပိုးကူညီမှုများ ရရှိရေးတို့ကို အဓိကထား ဆွေးနွေးခဲ့တယ်လို့ ဆိုပါတယ်။
“အကြမ်းဖက်စစ်တပ်က နယ်စပ်ဖြတ်ကျော်မှုခင်းတွေ၊ အွန်လိုင်းလိမ်လည်မှုတွေကနေ အကျိုးအမြတ် ရနေပါတယ်၊ စစ်အာဏာရှင် ကျင်းပမယ့် ရွေးကောက်ပွဲကို ထောက်ခံခြင်းဟာ ဒေသတွင်းမှာ အွန်လိုင်းလိမ်လည်မှုတွေနဲ့ ကျားဖြန့်စင်တာတွေကို တရားဝင် ရပ်တည်နိုင်အောင် ကူညီလုပ်ဆောင် တာနဲ့ အတူတူပဲဆိုတာကို နိုင်ငံတကာကို သိစေချင်ပါတယ်” လို့ ဒေါက်တာဝင်းမြတ်အေး က ညီလာခံ မှာ ပြောဆိုသွားပါတယ်။
နိုင်ငံတကာပါလီမန်များအဖွဲ့ IPU ဟာ ကမ္ဘာ့နိုင်ငံပေါင်း ၁၈၃ နိုင်ငံ မှ နိုင်ငံတော်အဆင့်မြင့် လွှတ်တော်များဖြင့် ဖွဲ့စည်းထားပြီး CRPH ကို IPU ၏ အဓိက ဆွေးနွေးဖက်မိတ်ဖက်အဖြစ် ယနေ့အထိ ဆက်လက်အသိမှတ်ပြုထားဆဲဖြစ်တယ်လို့ CRPH က ထုတ်ပြန်ထားပါတယ်။