သျှမ်းပြည်မြောက်ပိုင်း လားရှိုးမြို့မှာ စစ်ကောင်စီတပ်နှင့် ကိုးကန့် MNDAA ပူးပေါင်းတပ်ဖွဲ့တို့ (၂၃) ရက်ကြာ တိုက်ပွဲများ ဖြစ်ပွားပြီးနောက် ယနေ့ ဇူလိုင်လ (၂၅)ရက်နေ့ နံနက်(၄)နာရီခန့်အချိန်မှာ MNDAAတပ်မတော်မှ လားရှိုးမြို့အခြေစိုက် အရှေ့မြောက်ပိုင်းတိုင်းစစ်ဌာနချုပ်(ရမခ)ကို လုံးဝ သိမ်းပိုက်နိုင်ခဲ့ကြောင်း MNDAA က ထုတ်ပြန်ကြေညာခဲ့ပါသည်။
လားရှိုးမြို့ကို လုံး၀လွတ်မြောက်ကြောင်း MNDAA တပ်၏ ရှေ့တန်းစစ်ဌာနချုပ်က ကြေညာသည်၊ လားရှိုးမြို့ လွတ်မြောက်ရေး တော်လှန်ရေး လှုပ်ရှားမှုသည် သမိုင်းဝင်အောင်ပွဲတစ်ခု ဖြစ်သည် ဟု ထုတ်ပြန်ထားကြောင်း သိရသည်။
လားရှိုးမြို့ (ရမခ)ဌာနချုပ်ကို သိမ်းပိုက်နိုင်မှုသည် တိုင်းရင်းသားတပ်ဖွဲ့များအနေဖြင့် စစ်ကောင်စီ၏ တိုင်းစစ်ဌာနချုပ်ကို ပထမဆုံးသိမ်းပိုက်နိုင်ခဲ့တာဖြစ်ကြောင်း သတင်းရရှိပါသည်။
