သျှမ်းပြည်နယ်မြောက်ပိုင်း၊ ကွတ်ခိုင်မြို့နှင့် မိုင်းယုလမ်းခွဲအကြား ဆက်သွယ်ထားသော နမ့်ခိုင်း တံတားအနီးတွင် အင်တာနက်လိုင်းအသုံးပြုနေသည့် အမျိုးသမီးတစ်ဦးအား ကိုးကန့်တပ် MNDAA မောင်းနှင်လာသည့် ကားတစ်စီးမှ ဝင်တိုက်သွားကြောင်း TNLA က ယနေ့နေ့လည်မှာ ထုတ်ပြန် ထားသည်။
ပြီးခဲ့သည့် ဒီဇင်ဘာလ(၁၄)ရက် နံနက်ပိုင်းအချိန်တွင် နမ့်ဖတ်ကာမှ MNDAA တပ်ဖွဲ့ဝင် အရှိန်ဖြင့် မောင်းနှင်လာသည့် မော်တော်ကားတစ်စီးသည် ပြည်ထောင်စုလမ်းမကြီးအနီး လိုင်းသုံးနေသည့် အမျိုးသမီး(၁)ဦးအား ဝင်တိုက်မိပြီး အရှိန်မထိန်းနိုင်ဘဲ ကားတိမ်းမှောက်မှုဖြစ်ပွားကာ ကားအတွင်း လိုက်ပါလာသည့် အမျိုးသမီး(၁)ဦးလည်း ထိခိုက်ဒဏ်ရာရရှိခဲ့ကြောင်း သိရသည်။
ကားတိုက်ခံရသည့် အသက်(၅၀)နှစ်အရွယ် အမျိုးသမီးသည် မိုင်းယုလေးအုပ်စု၊ ပန်လော့ ကျေးရွာတွင် နေထိုင်ပြီး ၄င်းလူနာကိုလည်း ကိုးကန့်တပ်မှ တာဝန်ယူဆေးကုသပေးသည်ဟု သိရသည်။
