ဒီကနေ့ မေလ ၁၄ ရက် တရုတ်နိုင်ငံ၊ ဘေဂျင်းမြို့က Great Hall of the People ခန်းမမှာ ကျင်းပတဲ့ တရုတ်နဲ့ အမေရိကန်တို့ နှစ်နိုင်ငံ မျက်နှာချင်းဆိုင်တွေ့ဆုံဆွေးနွေးပွဲမှာ တရုတ်သမ္မတ ရှီကျင့်ဖျင်က “ကျွန်ုပ်တို့ဟာ ပြိုင်ဘက်တွေမဟုတ်ဘဲ မိတ်ဖက်များဖြစ်သင့်တယ်လို့ အမေရိကန် သမ္မတ ထရမ့် အား ပြောကြားခဲ့ပါတယ်။
မစ္စတာထရမ့်နဲ့ မစ္စတာရှီတို့ဟာ နှစ်ဖက်တာဝန်ရှိသူများနဲ့အတူ ပြည်သူ့ခန်းမဆောင်ကြီးအတွင်းမှာ နှစ်နိုင်ငံအကြား တွေ့ဆုံဆွေးနွေးမှုများပြုလုပ်နေကြပါတယ်။
မစ္စတာရှီရဲ့ အဖွင့်မိန့်ခွန်းမှာ နှစ်နိုင်ငံအကြား ကွဲပြားခြားနားချက်တွေထက် တူညီတဲ့ အကျိုးစီးပွားတွေ ပိုမိုရှိနေပြီး တစ်နိုင်ငံရဲ့ အောင်မြင်မှုဟာ အခြားတစ်နိုင်ငံအတွက် အခွင့်အရေးတစ်ခုဖြစ်ကြောင်း ယုံကြည်တယ်လို့ ပြောကြားခဲ့ပါတယ်။
“ တရုတ်နဲ့ အမေရိကန် နှစ်နိုင်ငံစလုံးဟာ ပူးပေါင်းဆောင်ရွက်မှုကနေ အကျိုးအမြတ်ရရှိနိုင်ပြီး ထိပ်တိုက်ရင်ဆိုင်ခြင်းဖြင့် ဆုံးရှုံးမှုများသာ ဖြစ်ပေါ်စေလိမ့်မယ်” လို့ မစ္စတာရှီက သတိပေး ပြောကြားခဲ့ပါတယ်။
ဆက်လက်ပြီး ရှီက “ ကျွန်ုပ်တို့ တစ်ဦးကိုတစ်ဦး အောင်မြင်အောင် ကူညီပေးပြီး အတူတကွ ဖွံ့ဖြိုးတိုးတက်ကာ ခေတ်သစ်မှာ နိုင်ငံကြီးများ အချင်းချင်း ကောင်းမွန်စွာ ဆက်ဆံနိုင်မယ့် မှန်ကန်တဲ့ နည်းလမ်းကို ရှာဖွေသင့်တယ်” လို့ဆိုပါတယ်။
ဒါ့အပြင် မစ္စတာထရမ့်နဲ့ ဆွေးနွေးရန် စောင့်မျှော်နေကြောင်းနဲ့ ၂၀၂၆ ခုနှစ်ဟာ တရုတ်-အမေရိကန် ဆက်ဆံရေးအတွက် သမိုင်းဝင်ပြီး အရေးပါတဲ့ နှစ်တစ်နှစ်ဖြစ်လာလိမ့်မယ်လို့ မျှော်လင့်ကြောင်း ထည့်သွင်းပြောကြားခဲ့ပါတယ်။
ဓာတ်ပုံ – Reuters