အာဏာသိမ်း သမ္မတ ဦးမင်းအောင်လှိုင်နဲ့ တရုတ်သမ္မတ ရှီကျင့်ဖျင် တို့ ဒီကနေ့ ဇွန်လ ၁၆ ရက်က တရုတ်နိုင်ငံ ပေကျင်းမြို့ရှိ ပြည်သူ့ခန်းမဆောင်မှာ တွေ့ဆုံဆွေးနွေးနေကြပါတယ်။
ဦးမင်းအောင်လှိုင် တရုတ်ခရီးစဥ် မစတင်ခင် ရက်ပိုင်းက တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က ယခုခရီးစဥ်မှတဆင့် နှစ်နိုင်ငံကြား ဆွေးမျိုးပေါက်ဖော် ချစ်ကြည်ရေးကို ရှေ့ဆက်ရန်၊ ဘက်စုံမဟာဗျူဟာမြောက် ပူးပေါင်းဆောင်ရွက်ရန်၊ တရုတ်−မြန်မာ အေးအတူပူအမျှ အသိုက်အဝန်းတည်ဆောက်မှုမှာ နှစ်နိုင်ငံပြည်သူများ ပိုမိုကောင်းမွန်တဲ့ အကျိုးပြုရေးအတွက် တွန်းအား ပေးရန် မျှော်လင့်ကြောင်း ပြောပါတယ်။
တရုတ်သမ္မတ ရှင်ကျင့်ဖျင်ရဲ့ ဖိတ်ကြားချက်အရ အာဏာသိမ်း သမ္မတ ရဲ့ တရုတ်ခရီးစဥ်ဟာ ဇွန်လ ၁၅ ရက်မှ ၁၉ ရက်နေ့အထိ ၅ ရက်ကြာ ခရီးစဥ်ဖြစ်ပြီး တရုတ်ဝန်ကြီးချုပ်၊ တရုတ်အမျိုးသား ပြည်သူ့ကွန်ကရက် အမြဲတမ်းကော်မတီ ဥက္ကဋ္ဌနဲ့ စီးပွားရေးအဖွဲ့အစည်းမှ ပုဂ္ဂိုလ်တွေလည်း တွေ့ဆုံဆွေးနွေးသွားမှာဖြစ်ပါတယ်။