ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း ညောင်ရွှေမြို့နယ်၊ အင်းလေး ဒေသ၊ စံကားမြို့တွင် စစ်ကောင်စီနှင့် ပအို့ဝ် ပြည်သူ့စစ် PNO မှ ကျေးရွာသားများအား ဇန်နဝါ ရီလ ၊ ၁၉ရက်နေ့က အစည်းအဝေးခေါ်ယူ၍ ကား နှင့်စက်လှေ ရှိသူများအလှည့်ကျပေးရန် နှင့် ပျက် ကွက်ခြင်းမရှိရန် ပြောဆိုခဲ့ကြောင်း စံကားဒေသခံများထံမှသိရသည် ။
” ဒါမျိုးတောင်းတာမရှိတာကြာပြီ အရင်ကတော့ သူတို့သွားစရာလာစရာရှိရင် စစ်တပ်ထောက်ခံသူတွေက လိုက်ပို့ပေးကြတယ်၊အခုတော့သူတို့လဲမတတ်နိုင်လို့ ကျန်တဲ့သူတွေဖက်လှည့်လာတာ သူတို့နဲ့ချောလိုက်ရင် ဒုက္ခရောက်တယ်။နောက်ကျလို့လဲမရ ၊ ဘယ်အချိန်ပြန်ရမလဲမသိ ၊ ဘယ်ကိုသွားလဲမပြောဘူး” ဟု စံကားဒေသခံတစ်ဦးကပြောသည် ။
စစ်ကောင်စီနှင့် PNO တို့ပေါ်တာဆွဲမှုကြောင့်ဒေသ ခံတစ်ချို့မှ၄င်းတို့၏ ကားများယာဥ်များအားစျေးပေါပေါဖြင့် ပြန်လည်ရောင်းချ ခြင်းများပြုလုပ်နေကြောင်း သိရသည် ။
” အင်းတန်းအုပ်စုရှိ ဒေသခံကားများ ချောဆွဲခံရတုန်းက ကားသမားတွေရဲ့ ဖုန်းတွေပါသိမ်းတာ၂ ည၃ညအိပ်ကြာမှပြန်ရတယ်။ သတင်းပေါက်ရင် ကားသမားကို သတ်မယ်ပြောလို့ ဘယ်သူမှမမောင်းချင်ကြဘူး ကိုယ့်အလှည့်ရောက်မဲ့နေ့ကိုစိတ်ဆင်းရဲစွာနဲ့ စောင့်နေကြရတယ်။ တချို့လဲကားကိုစျေးပေါပေါနဲ့ရောင်းထုတ်နေကြတယ်” ဟု ၄င်းကဆက်လက်ပြောသည် ။
ပြီးခဲ့သည့် ဇန်နဝါရီ ၃ ရက်နေ့ကလည်းအင်းလေးဒေသ ညောင်ရွှေမြို့နယ်၊ လုံကန်ကျေးရွာ၊ တောင်တိုကျေးရွာ၊ တောင်ခြားပြင်ကျေး ရွာအနီးတစ်ဝိုက်ရှိ PDF တပ်စခန်းတစ်ခုကိုစစ်ကောင်စီမှ ဝင်ရောက်တိုက်ခိုက်ခဲ့ပြီး PDF ခေါင်းဆောင် ၁ ဦး အပါအဝင် ကျား ၆ ဦး၏ အ လောင်းများနှင့် အသက်ရှင်လျှက် ကျား ၇ ဦး၊ မ ၁ ဦး နှင့် လက်နက်များ ဖမ်းဆီးရမိခဲ့ကြောင်း စစ်ကောင်စီကသတင်းထုတ်ပြန်ထား သည်။
