ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
အင်ဒိုနီးရှားနိုင်ငံ ဂျာကာတာမြို့မှာကျင်းပတဲ့ မြန်မာ့ အရေးဆွေးနွေးပွဲကို သျှမ်းပြည်ပြန်လည် ထူထောင်ရေးကောင်စီ/သျှမ်းပြည်တပ်မတော် (RCSS/SSA) မှ ပါဝင်တက်ရောက် ဆွေးနွေးကြောင်း RCSS ၏ သတင်းဌာနဖြစ်တဲ့ Tai Freedoom မှ ဖော်ပြထားသည်။
လက်ရှိမြန်မာနိုင်ငံမှာ ဖြစ်ပေါ်နေတဲ့ နိုင်ငံရေးအကျပ် အတည်းများ ဖြေရှင်းရန် အင်ဒိုနီးရှားအစိုးရ က RCSS ကို ဖိတ်ကြားလာတဲ့အတွက်ကြောင့် ပါဝင်တက်ရောက်ဆွေးနွေးကြောင်း သိရသည်။
တိုင်းရင်းသားလက်နက်ကိုင်အဖွဲ့များနှင့် နိုင်ငံရေးအင်အားစု အသီးသီးတို့ပါဝင်တဲ့ (၃)ရက်ကြာ အစည်း အဝေးကို ၂၀၂၄ ခုနှစ် အောက်တိုဘာလ ၃ ရက်၊ ၄ရက်နှင့် ၅ ရက်အထိ ကျင်းပပြီး အင်ဒိုနီးရှား၊ အာဆီယံ၊ ဥရောပသမဂ္ဂနှင့် ကုလသမဂ္ဂမှ သံတမန်များနှင့် ကိုယ်စား လှယ်များ တက်ရောက်ကြောင်း သိရသည်။
အဆိုပါ မြန်မာ့အရေးဆွေးနွေးပွဲရလဒ်ကိုတော့ ထုတ်ပြန်ကြေငြာထားခြင်းမရှိပါဘူး။
လက်ရှိ လာအိုနိုင်ငံမှာ အောက်တိုဘာလ(၆)ရက်မှ (၁၁)ရက်အထိ အာဆီယံထိပ်သီး အစည်းအဝေးကျင်းပနေပြီး မြန်မာ့အရေးကို အဓိက အရေးကိစ္စအဖြစ် ဆက်လက်ဆွေးနွေး ကြောင်း စုံစမ်းသိရသည်။
အာဆီယံ၏ ဘုံသဘောတူညီချက်(၅)ချက်ကို ၂၀၂၁ ခု ဧပြီလမှာ ပြဌာန်းခဲ့ပေမယ့် စစ်ကောင်စီက လိုက်နာဆောင်ရွက်ဖို့ ပျက်ကွက်ခဲ့ပါသည်။ အာဆီယံ၏ ထိပ်သီးအစည်းအဝေးကို စစ်ကောင်စီ၏ ထိပ်ပိုင်းခေါင်းဆောင်တက်ရောက်ခွင့်ကို ဆက်လက်တားမြစ်ဆဲဖြစ်ကြောင်း သိရသည်။
