သီတင်းကျွတ်လပြည့်နေ့ ဥပုသ်နေ့တောင်မရှောင်ဘဲ သျှမ်းပြည်မြောက်ပိုင်း၊ သီပေါနဲ့ နမ္မတူမြို့ထဲကို စစ်ကော်မရှင်တပ်က လေကြောင်းနဲ့ ဗုံးကြဲတိုက်ခိုက်ခဲ့တယ်လို့ သိရပါတယ်။
ယနေ့ အောက်တိုဘာလ ၆ ရက် နံနက် ၇ နာရီ ၄၃ မိနစ်အချိန်က နမ္မမြို့ ရှိ ပန်ဟိုက် ရပ်ကွက် ၂ ကို စစ်ကော်မရှင်တပ်က ဂျက်ဖိုက်တာနဲ့ ဗုံးလာရောက်ကြဲချပြီး နေအိမ် ၆ လုံး ဗုံးစထိမှန် ပျက်စီးသွားခဲ့ တယ်လို့ TNLA က ထုတ်ပြန်ထားပါတယ်။
စစ်ကောင်မရှင်ရဲ့ ဗုံးကြဲတိုက်ခိုက်မှုကြောင့် နမ္မတူ ပြည်သူအချို့ ထိခိုက်မှုရှိတယ်လို့လည်း သိရပါတယ်။
အလားတူ စစ်ကော်မရှင်တပ်က နမ္မတူမြို့ကို ဗုံးကြဲတိုက်ခိုက်ပြီး ၆ မိနစ်အကြာ သီပေါမြို့ကိုလည်း ဗုံးကြဲတာကြောင့် ဆက်သွယ်ရေးဘက် ကျရောက် ပေါက်ကွဲတယ်လို့ သိရပြီး ထိခိုက်ပျက်စီးမှု အသေးစိတ်ကိုတော့ Hsan Loi Voice အနေနဲ့ ဆက်လက်စုံစမ်းနေပါတယ်။
ပြီးခဲ့တဲ့ အောက်တိုဘာလ(၂)ရက်နေ့ကလည်း နမ္မတူမြို့ကို စစ်တပ်က ဗုံးကြဲချတိုက်ခိုက်တာကြောင့် ပြည်သူ ၄ ဦး သေဆုံးပြီး ၅ ဦး ထိခိုက်ဒဏ်ရာရရှိခဲ့ပါတယ်။