ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း လားရှိုးမြို့၌ မတ်လ ၁ ရက်နေ့က စတင်ပြီး မြို့တွင်းလမ်းမကြီးများတွင် ယာဉ်ထိန်းရဲအပါအဝင် ပူးပေါင်းအဖွဲ့မှ လိုင်စင်မဲ့ကားများ၊ ဆိုင်ကယ်များအား ဖမ်းဆီးလျက်ရှိကြောင်း သတင်းရရှိသည်။
လိုင်စင်မဲ့ယာဉ်များအပြင် ဆိုင်ကယ်စီးဦးထုပ်မဆောင်းသော ဆိုင်ကယ်မောင်းနှင်နေသူများ၊ လိုင်စင်မဲ့ ၃ ဘီးဆိုင်ကယ်များပါ ဖမ်းဆီးလျက်ရှိသည်။ ဖမ်းဆီးခံရသော ယာဉ်များကို သိမ်းဆည်းခြင်းမပြုသော်လည်း ဒဏ်ကြေးများစွာပေးဆောင်စေပြီး ပြန်လွတ်ပါသည်။
“ ကျမတို့က ဦးထုပ်မဆောင်းတော့ အဖမ်းခံရတယ်။ အဖမ်းခံရတဲ့နေရာကတော့ တိုင်းရုံးလမ်းမီးပွိုင့်မှာပါ ။ အရင်တုန်းက တခါမှလည်းမစစ်ဘူး အဖမ်းအဆီးလည်းမရှိဘူးဆိုတော့ ခါတိုင်းလိုပဲသွားကြပေါ့။ ပြီးတော့ without တွေကိုလည်း ဖမ်းတယ်။ သုံးဘီးသမားတောင်မှဖမ်းတယ်။ ကျမတို့ကို (၆) သောင်းဒဏ်ကြေးဆောင်ခိုင်းတယ် တောင်းတောင်းပန်ပန်နဲ့ (၃) သောင်းတောင်ပေးခဲ့ရတာရှင့်။သူတို့က လမ်းမကြီးတွေမှာ စောင့်ပြီးတော့ တားပြီး စစ်တယ်။ ဖမ်းပြီးတော့ ဆိုင်ကယ်တွေ ကားတွေသိမ်းသွားတာမျိုးတော့မဟုတ်ဘူး ဖမ်းပြီးဒဏ်ကြေးဆောင်ခိုင်းပြီးပြန်လွတ်ပေးတာပါ။” ဟု လားရှိုးမြို့ခံ အမျိုးသမီး တစ်ဦးကပြောပြသည်။
လားရှိုးမြို့တွင် လိုင်စင်မဲ့ မော်တော်ယာဉ်များစွာရှိပြီး ဖမ်းမည်ဆိုပါက တစ်မြို့လုံးဖမ်းဆီးရမှာဖြစ်ကြောင်း ဒေသခံတစ်ဦးကပြောသည်။
