ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း လားရှိုးမြို့တွင် စစ်ကောင်စီတပ်နှင့် MNDAA တို့ တိုက်ပွဲဆက်လက်ဖြစ်ပွားနေဆဲဖြစ်ကာ အရှေ့မြောက်ပိုင်းတိုင်းစစ်ဌာနချုပ်အား သိမ်းပိုက်နိုင်ရေး MNDAA က ထိုးစစ်ဆင်နေဆဲဖြစ်သည်။
အလားတူ စစ်ကောင်စီဘက်ကနေလည်း လေကြောင်းတိုက်ခိုက်မှု အကြိမ်ရေပိုမိုအသုံးပြုလာပြီး မြို့အတွင်း လူနေအိမ်အဆောက်အအုံများ ပျက်စီးထိခိုက်မှု ပိုများလာသည်။
လားရှိုးတိုက်ပွဲသတင်းကို အတိအကျဖော်ပြရန် ခက်ခဲဆဲဖြစ်သလို မြို့အတွင်း ပိတ်မိနေသော ပြည်သူများစွာ ကျန်ရှိနေသေးသည်။ ဖုန်းလိုင်းနှင့် အင်တာနက်လိုင်း ပြတ်တောက်နေသည်။
မြို့အတွင်းရှိ ရပ်ကွက်များအတွင်း ၂ ဖက်တိုက်ပွဲကြောင့် သေဆုံးခဲ့ရသော စစ်သားအလောင်းများလည်း ပုပ်ပွနှံစော်နေသည်ဟု စစ်ရေးသတင်းအရင်းအမြစ်များက ဆိုသည်။
ရပ်ကွက် (၄) ၊ ရပ်ကွက် (၉) နယ်မြေ (၅) နှင့် နယ်မြေ (၁) တို့၌ လူထုအိမ်ထိခိုက်ပျက်စီးမှု ပိုများကြောင်း သိရသည်။
