မိုင်းဖုန်းဆရာတော်ကြီး အထူးဒေသ(၄)သို့ကြွရောက်တော်မူကာ တရားရေအေးတိုက်ကျွေးခဲ့ 

မိုင်းဖုန်းဆရာတော်ကြီးသည် ရှမ်းပြည်အရှေ့ပိုင်း၊ ကျိုင်းတုံမြို့မှတစ်ဆင့် အထူးဒေသ(၄)သို့ နိုဝင်ဘာ ၂၇ ရက်နေ့က ကြွရောက်တော်မူခဲ့ကြောင်း သိရသည်။

မိုင်းဖုန်းဆရာတော် သည် ဘူတန်နိုင်ငံ၊ ဟိမဝန္တာတောင်တန်း၏ မုကျားဟိရိရေခဲတောင်ပေါ်ရှိ ‌ခူးပါးရင်းပိုချေကျောင်း၌ ရက်ပေါင်း ၉၀ သီတင်းသုဉ်းနေတော်မူခဲ့ပြီးနောက် မိုင်းဖုန်းကျောင်းတိုက်သို့ပြန်လည်ကြွရောက်တော်မူခဲ့သည်မှာ မကြာသေးကြောင်း ဆရာတော်၏ တပည့်သာဝကများထံမှ သိရသည် ။

ယင်းနောက်ဆရာတော်သည် နိုဝင်ဘာလ (၂၆)ရက်နေ့တွင် တာချီလိတ်မြို့မှတဆင့် ကျိုင်းတုံမြို့သို့ ကြွရောက်ကာ တပည့်ဒါယိကာများအား တရားရေအေး တိုက်ကျွေးပြီး မိုင်းလား အထူးဒေသ (၄)သို့ နိုဝင်ဘာလ (၂၇)ရက်နေ့တွင် စတင်ထွက်ခွါခဲ့သည်ဟုသိရသည် ။

မိုင်းဖုန်းဆရာတော်ကြီးသည် ကွယ်လွန်သွားခဲ့သည့် အထူးဒေသ(၄)၏ ဥက္ကဋ္ဌဦးစိုင်းလင်းအားမြေချထားသော ဗိမ္မာန်သို့ကြွရောက်တော်မူပြီး တရားဓမ္မများဟောကြားခြင်း၊ ညပိုင်းတွင် ဒွေနဂရရွှေစေတီတော်၌ တရားဓမ္မများဟောကြားခြင်းများပြုလုပ်တော်မူခဲ့ကြောင်း ဒေသတွင်းသတင်းရင်းမြစ်ထံမှ သိရသည် ။

Photo credit original uploader.