ကရင်နီပြည်နယ်၊ ဖားဆောင်းမြို့နယ်၊ မော်ချီးဒေသရှိ အမှတ်(၂)ခဲသန့်စင်စက်ရုံကို ယမန်နေ့ ဧပြီလ ၂၄ ရက် မွန်းလွှဲပိုင်းအချိန်က စစ်ကောင်စီတပ်မှ လေကြောင်းနဲ့ ဗုံးကြဲတိုက်ခိုက်တာကြောင့် အရပ်သား ပြည်သူ ၆ ဦးသေဆုံးပြီး ၁၉ ဦး ဒဏ်ရာရရှိတယ်လို့ ဒေသတွင်းသတင်းရင်းမြစ်ထံမှ သိရပါတယ်။
ဗုံးကြဲတိုက်ခိုက်ခံရမှုကြောင့် သေဆုံးသူများထဲတွင် ကလေးငယ်များနဲ့ အမျိုးသမီးများ ပါဝင်တယ်လို့ သိရပါတယ်။
စစ်ကောင်စီတပ်က လာရောက်ဗုံးကြဲတဲ့ နေရာသည် တရုတ်ရဲ့ သတ္တုတွင်းလုပ်ကွက်ဖြစ်တယ်လို့ ဒေသခံများက ဆိုရှယ်မီဒီယာမှာ ရေးသားဖော်ပြတာ တွေ့ရပါတယ်။
စစ်ကောင်စီတပ်သည် ၎င်းတို့ကိုယ်တိုင် ချမှတ်ထားတဲ့ အပစ်ရပ်စဲရေးသဘောတူညီချက်ကို ချိုးဖောက်တဲ့အပြင် ပြည်သူများအပေါ် လေကြောင်းတိုက်ခိုက်မှုများ ပြုလုပ်ခြင်းသည် လူ့အခွင့်အရေးဆိုင်ရာ ပြင်းထန်စွာ ချိုးဖောက်မှုတစ်ရပ်ဖြစ်တယ်လို့ ဒေသတွင်းလူ့အဖွဲ့ အစည်းများက ထောက်ပြပြောဆိုထားပါတယ်။
