သျှမ်းပြည်မြောက်ပိုင်း၊ နမ့်ခမ်းမြို့နယ်၊ ကောင်းတပ်ကျေးရွာမှာ ယနေ့ မေလ ၃၁ ရက် နေ့လည်ပိုင်းအချိန်က ပေါက်ကွဲမှုဖြစ်ပွားပြီး လူနေအိမ်အများအပြား ထိခိုက်ပျက်စီးပြီး သေဆုံးဒဏ်ရာ ရရှိသူလည်း များပြားတယ်လို့ ဒေသခံနဲ့ ဒေသတွင်းသတင်းရင်းမြစ်ထံမှ သိရပါတယ်။
အခုပေါက်ကွဲမှုဟာ လေကြောင်းနဲ့ တိုက်ခိုက်ခံရတာမဟုတ်ဘဲ TNLA ရဲ့ စမ်းသပ်ဆဲ ယမ်းထုတ်လုပ်ရုံမှ ဖြစ်တယ်လို့ ဒေသခံတွေ ပြောဆိုကြပေမယ့် Hsan Loi Voice အနေနဲ့ အတည်ပြုနိုင်ဖို့ ဆက်လက်စုံစမ်း နေပါတယ်။
ပေါက်ကွဲမှု ဖြစ်စဥ်နဲ့ ပတ်သက်ပြီး တအာင်းတပ် TNLA က စုံစမ်းစစ်ဆေးနေပြီး အသေးစိတ် အချက်အလက်တွေကို ဆက်လက်ထုတ်ပြန်သွားမယ်လို့ ထုတ်ပြန်ထားပါတယ်။
လက်ရှိအချိန်မှာတော့ ပေါက်ကွဲမှုကြောင့် ထိခိုက်သေဆုံးသူ ၁၀ ဦးကျော် ရှိနေပြီး ပိတ်မိနေသူတွေကို ကယ်ဆယ်ရေးအဖွဲ့တွေ ကယ်ထုတ်နေသလို သေဆုံးသူတွေလည်း ထပ်တိုးလာနိုင်တယ်လို့ သိရပါတယ်။