တြိဂံနယ်စပ်ကတဆင့်ထိုင်းသို့ဝင်သော တရုတ်နိုင်ငံသားများကို ထိုင်းအာဏာပိုင်များ ဆက်လက်ဖမ်းဆီး

ယမန်နေ့ စက်တင်ဘာလ ၁၃ ရက်နေ့ နံနက် ၈ နာရီဝန်းကျင်ခန့်တွင် တာချီလိတ်မြို့တဖက်ကမ်း ချင်းရိုင်းခရိုင်၊ မယ်ဖလုံမြို့နယ်အတွင်း ဝင်ရောက်သွားသော တရုတ်နိုင်ငံသား ၅ ဦးကို ထိုင်းအာဏာပိုင်များက ဖမ်းဆီးခဲ့သည်။

လာအိုနိုင်ငံတွင် စားဖိုမှူးအဖြစ် ဝင်ရောက်အလုပ်လုပ်ကိုင်ခဲ့ကြပြီး လုပ်အားခမရ၍ သျှမ်းပြည်ဖက်ခြမ်းသို့ ကနဦး ထွက်ပြေးခဲ့သည်။ ထိုမှတဆင့် ထိုင်းဘက်သို့ ဝင်ရောက်သွားခဲ့ကြောင်း ထွက်ဆိုထားသည်။

တရုတ်၊ မြန်မာ၊ ထိုင်း အာဏာပိုင်များ တွေ့ဆုံဆွေးနွေးပြီးနောက်ပိုင်း ရွှေတြိဂံနယ်စပ်၊ ကိုယ်ပိုင်အုပ်ချုပ်ခွင့်ရဒေသများ၊ မြဝတီနယ်စပ်ရှိ တရုတ်နိုင်ငံသား အွန်လိုင်းငွေလိမ်ဂိုဏ်းများကို သက်ဆိုင်ရာအာဏာပိုင်များက အဆက်မပြတ် ဖမ်းဆီးမှုပြုလုပ်ခဲ့သည်။

Ref: maesaipress