တောင်ကြီး – ဟိုပုံးသွားလမ်းတွင်ဆိုင်ကယ်လုယူဓါးထိုးခံရမှုဖြစ်ပွား 

တောင်ကြီး – ဟိုပုံးသွားလမ်းအနီးတွင်ဖေဖော်ဝါရီ (၂၇) နေ့လည်ပိုင်းက အမျိုးသား ၂ ဦး ဆိုင်ကယ်လုခံရပြီးဓါးထိုးခံရမှုဖြစ်ပွားခဲ့ကြောင်း သိရသည် ။

တောင်ကြီး မှ ဟိုပုံးသို့ ဆိုင်ကယ်စီးနင်းလာသူအ မျိုးသား (၂)ဦးသည် အမည်မသိ သူများ၏ ဆိုင်ကယ်လုယူခြင်း ခံရပြီး ဓားနှင့်ပါအထိုးခဲ့ရသောကြောင့် တင်ပါး ၊ ပေါင် နှင့် ခါးတို့တွင် ဒဏ်ရာအသီးသီး ရရှိခဲ့ကြောင်းသိရသည် ။

တောင်ကြီး ကြက်ခြေနီအသင်းက အခင်းဖြစ်ရာနေရာသို့ သွားရောက်၍ ဓားထိုးခံရသူများ၏ ပြတ်ရှဒဏ်ရာများကို ရှေးဦးပြုစုပေးကာ တောင်ကြီး စဝ်စံထွန်းဆေးရုံသို့ကူညီပို့ဆောင်ပေးခဲ့ကြောင်းသိရသည် ။

စစ်ကောင်စီ အာဏာသိမ်းပြီး ၂ နှစ်ကျော်ကာလ တွင် တောင်ကြီးမြို့နယ်အတွင်း ခိုး၊ဆိုး ၊ လု၊ နှိုက်မှုများ လစဥ်လတိုင်းနီးပါး ဖြစ်ပွားလျှက်ရှိပြီးဖမ်းဆီးအရေးယူနိုင်မှုနည်းပါးသောကြောင့်ကျူးလွန်သူ များသည် ပိုမိုအတင့်ရဲလာကြသည် ။