တရုတ်သမ္မတ ရှီကျင့်ဖျင်သည် စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်နှင့် မော်စကိုမှာတွေ့ဆုံ

ရုရှားနိုင်ငံ မော်စကို မှာ ကျင်းပတဲ့ နှစ် ၈၀ ပြည့် စစ်အောင်ပွဲသို့ တက်ရောက်နေတဲ့ တရုတ်သမ္မတ ရှီကျင့်ဖျင် နဲ့ စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် တို့ ယနေ့မှာ တွေ့ဆုံတယ်လို့ သိရပါတယ်။

တွေ့ဆုံချိန်တွင် မန္တလေးမြို့မှာ ပြင်းထန်ငလျင် လှုပ်ခတ်မှုအပြီးတွင် လူသေဆုံးမှုများနဲ့ ပျက်စီး ဆုံးရှုံးမှုများ ဖြစ်ပွားပြီးနောက် တရုတ်နိုင်ငံက ကယ်ဆယ်ရေးအဖွဲ့များနှင့် အရေးပေါ် လူသားချင်းစာနာထောက်ထားမှုဆိုင်ရာ ထောက်ပံ့ရေးပစ္စည်းများ အမြန်ဆုံးစေလွှတ်ပြီး မြန်မာနိုင်ငံ ပြန်လည် ထူထောင်ရေးမှာ တရုတ်နိုင်ငံက ဆက်လက် ပံ့ပိုးကူညီသွားမယ်လို့ သမ္မတရှီက ပြောကြားခဲ့တယ်လို့ သိရပါတယ်။

ဒါ့အပြင် မြန်မာနိုင်ငံရဲ့ အချုပ်အခြာအာဏာ၊ လွတ်လပ် ရေး၊ နယ်မြေစိုးမိုးရေးနှင့် နိုင်ငံတော် တည်ငြိမ်အေးချမ်းရေး၊ ပြည်တွင်းနိုင်ငံရေး လုပ်ငန်းစဉ်များ အရှိန်အဟုန်ဖြင့် ဆောင်ရွက်ရာတွင် တရုတ်နိုင်ငံက မြန်မာနိုင်ငံအား ပံ့ပိုးကူညီလျက်ရှိကြောင်း ၎င်းကပြောဆိုတယ်လို့ တရုတ်နိုင်ငံခြားရေးဝန်ကြီးဌာန ပြောခွင့်ရ “ မော်နင်း” (Mao Ning) က သူ့ရဲ့ လူမှုကွန်ယက်စာမျက်နှာမှာ ရေးသားထားပါတယ်။