ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်တောင်ပိုင်း၊ ဆီဆိုင်မြို့နယ်ရှိ နောင်ရင်းကျေးရွာတွင် ဒီဇင်ဘာလ(၂)ရက် နံနက် (၁ဝး၀၀)နာရီအချိန်က စစ်ကောင်စီနှင့် PNO ပြည်သူ့စစ်က ဒရုန်းဖြင့်ဗုံးကြဲတိုက်ခိုက်သဖြင့် တောင်ယာခြံထဲ ပြောင်းချိုးသွားနေသည့် သားအမိ ၂ ဦးသေဆုံးပြီး ၁ ဦးထိခိုက်ဒဏ်ရာရရှိခဲ့ကြောင်း PNLA ထံမှ သိရသည်။
ဗုံးကြဲတိုက်ခိုက်မှုကြောင့် ပြောင်းခြံအတွင်းရှိမိခင်နှင့် ၂ နှစ်အရွယ်ကလေးသည် နေရာတွင်ပင် သေဆုံးပြီး ၎င်းအမျိုးသားဖြစ်သူမှာ ထိခိုက်ဒဏ်ရာ ရရှိကြောင်း သိရသည်။
စစ်ကောင်စီနှင့် ၎င်း၏လက်အောက်ခံ PNO ပြည်သူ့စစ်သည် လက်ရှိအချိန်တွင် ပအိုဝ်းဒေသအားကျူးကျော်ကာ ပအိုဝ်းကျေးရွာများကို ဗုံးကြဲတိုက်ခိုက်ခြင်း၊ နေအိမ်များအား မီးရှို့ဖျက်ဆီးခြင်းနှင့် ပြည်သူများအား သတ်ဖြတ်ခြင်းများ ပြုလုပ်နေလျက်ရှိကြောင်း PNLA က ထုတ်ပြန်ထားသည်။
ပြီးခဲ့သည့် နိုဝင်ဘာလ(၃၀)ရက် နံနက်ပိုင်းကလည်း မောက်မယ်မြို့နယ် ဟိုနမ့်ဒေသရှိ ပအိုဝ်းရွာ ၂ ရွာအား စစ်ကောင်စီမှ ဂျက်ဖိုက်တာဖြင့် ဗုံးကြဲမှုကြောင့် ဒေသခံနေအိမ်များ ထိခိုက်ပျက်စီးကြောင်း သိရသည်။
