ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းတောင်ဆီဆိုင်မြို့နယ်တွင် တိုက်ပွဲဖြစ်ပွားသည့် ကာလ အတွင်း ဆီဆိုင်မြို့ထဲ လက်နက်ကြီးထိမှန်မှုမရှိသည့်နေအိမ်များလည်း အားလုံးနီးပါး ဖောက်ထွင်း ဖျက်ဆီးခံထားရ ကြောင်း ဒေသခံများထံမှ သိရသည် ။
“ အပြင်ကကြည့်ရင် မီးမလောင်ဘူးလို့ထင် ရတဲ့ အိမ်မှန် သမျှ အထဲမှာ အကုန်ဖျက်ဆီးခံထားရတာ အိမ်ထဲကရောင်းလို့ရတဲ့ပစ္စည်းတွေတန်ဖိုးရှိ ပစ္စည်း တွေဘာမှ မရှိတော့ဘူး ကြမ်းခင်းတွေ ၊ မျက်နှာ ကျတ်တွေပါ ဆွဲခွာထားတယ် ဒါ ကျွန်တော့် တစ်အိမ်ထဲမဟုတ်ဘူး ၊ အိမ်တိုင်းနီးပါးပဲ ” ဟု ဆီဆိုင်နယ်ခံ တစ်ဦးက ပြောသည် ။
ပြီးခဲ့သည့်ရက်ပိုင်းက ဆီဆိုင်မြို့အတွင်း ပစ္စည်း ပြန်သယ်သည့် ဆီဆိုင်ဒေသခံ များက စစ်ကောင်စီထံ တွင် လက်မှတ်ဝင်ထိုး ပြီးမှသာ ပစ္စည်းပြန်ယူခွင့်ရှိကြောင်း သိရသည် ။
” အိမ်တွေထဲဝင်နေထားပြီး စိတ်ကြိုက်မွေနှောက် ဖျက်ဆီး ထားတာကျွန်တော်တို့ ကိုယ့်ပစ္စည်းကိုယ် ပြန်ဝင်ယူရတဲ့အချိန်အိမ်ကဘာမှကို မကျန်အောင်ပဲ ပျက်ဆီးပြီး လူနေလို့လဲ မရတော့ဘူး လက်နက်ကြီးထိထားတာမဟုတ်ဘူး ဘာမှ မကျန်အောင်ခိုးခံရတာ စီးပွား ဖြစ်ခိုးသွားကြတာ ” ဟု ဆီဆိုင်နယ်ထံ တစ်ဦးကလည်းထပ်မံ ပြောဆိုသည် ။
ဆီဆိုင်မြို့နယ် တိုက်ပွဲ စတင်ဖြစ်ပွားရာ ပထမ ပါတ်ကစ၍ ဆီဆိုင်မြို့ထဲ ဖုန်းဆိုင်များ ၊ ရွှေဆိုင်များ စတင်ဖောက်ထွင်းခံရပြီး နောက်ပိုင်းတွင် လက်နက် ကြီးမထိမှန်မပျက်စီးသေးသည့် နေအိမ်အားလုံးနီးပါး ဖောက်ထွင်းဖျက်ဆီးခံ ရထားကြောင်း သိရသည် ။
ဆီဆိုင်မြို့နယ်တွင် တိုက်ပွဲဖြစ်ပွားသည့် နှစ်လကျော်ကာလ အတွင်း လက်နက်ကြီး ထိမှန်မှုကြောင့် လူနေအိမ်အဆောက်အဦး ထိခိုက်ပျက်စီးမှု ၆၀၀ နီးပါး ရှိပြီးအဆောက်အဦး ထိခိုက်ပျက်စီးမှု၏ ၉၀ ရာခိုင်နှုန်း သည် လေကြောင်းဗုံးကြဲ ၊ ဒရုန်းဖြင့် ဗုံးကြဲ တိုက်ခိုက် ခြင်းနှင့် လက်နက်ကြီးကျရောက်ပေါက်ကွဲခြင်းကြောင့်ဖြစ်သည်ဟု PYO ကထုတ်ပြန်ထားသည့်စစ်တမ်းများအရ သိရသည် ။