ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယမန်နေ့ နိုဝင်ဘာလ(၁၉)ရက် နံနက်(၁ဝး၃၀) နာရီအချိန်ခန့်က စစ်ကောင်စီနှင့် ၎င်း၏ လက်အောက်ခံ PNO ပြည်သူ့စစ်သည် အများပြည်သူအသုံးပြုနေသည့် ဆီဆိုင်မြို့နယ်နှင့် မောက်မယ်မြို့နယ်အစပ် ဟိုနမ့်- ဆိုက်ခေါင် ပွန်ချောင်းတံတားအား လေယာဉ်ဖြင့် ဗုံး ၃ ကြိမ် လာရောက်ကြဲချတိုက်ခိုက်ခဲ့ကြောင်း သိရသည်။
တိုက်ပွဲဖြစ်ပွားခြင်းမရှိဘဲ စစ်ကောင်စီနှင့် PNO ပြည်သူ့စစ်တို့က စတင်ထိုးစစ်ဆင် တိုက်ခိုက်လာခဲ့ခြင်းကြောင့် ဟိုနမ့်-ဆိုက်ခေါင် ပွန်ချောင်းတံတားအနီးတွင် ပအိုဝ်းအမျိုးသားလွတ်မြောက်ရေးတပ်မတော် (PNLA)နှင့် ထိတွေ့တိုက်ပွဲဖြစ်ပွားခဲ့ခြင်းဖြစ်ကြောင်း PNLA ထံမှ သိရသည်။
” မနေ့က ကျွန်တော်တို့ တောင်ကြီးကနေ မောက်မယ်ဘက် ခရီးသွားမလို့ ပွန်ချောင်းတံတားမှာ တိုက်ပွဲ ဖြစ်တယ်ဆိုပြီး ပြန်လှည့်လိုက်ရတယ် ” လို့ ခရီးသွားတစ်ဦးထံမှသိရသည်။
ထို့အပြင် တောင်ကြီး – ဆိုက်ခေါင်- မောက်မယ် လမ်းကို ခေတ္တပိတ်ထားကြောင်း စုံစမ်းသိရသည်။
