ငယ်ငယ်ရွယ်ရွယ်နှင့် လှပသော ပန်းပုရုပ်ထုကလေးများ ဖန်တီးနိုင်သောကြောင့် ထိုင်းနိုင်ငံတဝှမ်း နာမည်ရလာသော သျှမ်းရွှေ့ပြောင်း နောင့်နွန်း (ခေါ်) နောင့်ကော်ရ 

မိခင်က ကြုံရာကျပန်း အလုပ်သမားလုပ်ပြီး သမီးဖြစ်သူ နောင့်နွန်း (ခ) နောင့်ကော်ရကို ထိုင်းအစိုးရကျောင်း ထားပါသည်။ သူမသည် အသက် ၁၀ နှစ်ဝန်းကျင်သာ ရှိသေးပြီး တာချီလိတ်မြို့နယ်တဖက်ခြမ်း ချင်းရိုင်ခရိုင်မှ ဖြစ်သည်။

စာသင်ကျောင်း၌ ရွှံ့မြေများကိုအသုံးပြုပြီး အနုပညာရုပ်ထုများ/ပန်းပုရုပ်ထုကလေးများ ဖန်တီးရာမှ ရုပ်ထွက်ကောင်းမွန်လှ၍ အချို့မြို့နယ်ခရိုင်များအထိ သွားရောက်ယှဉ်ပြိုင်ခွင့်ရသည်။

ထိုင်းနိုင်ငံမြောက်ပိုင်း နန့်ခရိုင်ထိသွားရောက်ယှဉ်ပြိုင်ခွင့်ရခဲ့ပြီး ပထမဆု ရရှိခဲ့သည်။

၎င်း၏ ပန်းပုပညာ လက်ရာသည် ထိုင်းတနိုင်ငံလုံးအထိ သတင်းများပြန့်နှံ့သွားခဲ့ရာ ထိုင်းနိုင်ငံ၏ နာမည်ကြီး Super 10 TV program ၏ ဖိတ်ကြားခြင်းခံရပြီး သူမ၏ အနုပညာ တီထွင်ဖန်တီးမှု/ပန်းပုရုပ်ဖန်တီးမှုကို တိုက်ရိုက်လွင့်ထုတ်လွင့်ပြသခဲ့သည်။ ကြည့်ရူ့သူ ၂.၄ သန်းနှင့်အထက် ရောက်ရှိသွားခဲ့သည်။

ရွှေ့ပြောင်းနေထိုင်သူများ၏ သဘောသဘာဝ ရုန်းကန်နေရသည့် ဘဝနှင့် သူမရဲ့ အံ့ဩစရာ အနုပညာဖန်တီးမှုကို မေးမြန်းရင်း TV program တင်ဆက်သူများ မျက်ရည်ကျလောက်သည်အထိ ဖြစ်သွားသည်။

မိခင်တဦးတည်းက ကြုံရာကျပန်းအလုပ်လုပ်ပြီး ထောက်ပံ့နေရသဖြင့် တက္ကသိုလ်ပညာရေးဆက်ရန် မဖြစ်နိုင်မည်ကို စိုးရိမ်ကြောင်း ပြောပါသည်။

Ref: Super 10, Super 100