ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း ကျောက်မဲမြို့နယ်အတွင်း ယမန်နေ့ (၉.၅.၂၀၂၄) ရက်နေ့ ညပိုင်းက မိုးသည်းထန်စွာရွာသွန်းခဲ့သည်။ မိုးနှင့်လေအတူ မိုးသီးများပါ ကျခဲ့ပြီး သစ်ပင်ကြီးအချို့ လဲကျခဲ့သည်။
“ မနေ့ညက ကျောက်မဲမြို့နယ် စခန်းသာကျေးရွာနတ်စင်နားက အပင်ကြီးတွေ လမ်းပေါ်လဲကျပြီး ကားလမ်းတွေပိတ်ကုန်တယ်။ မိုးရော လေရော မိုးသီးတွေပါကျတာလေ မနေ့ညတုန်းကမိုးအရမ်းရွာတာလေ။ ဒီမနက် ပရဟိတအဖွဲ့တွေနဲ့ရွာသားတွေ စုပြီး လဲကျနေတဲ့သစ်ပင်ကို ခုတ်ရှင်းပြီးလို့ (၉) နာရီလောက်မှာ လမ်းပြန်ပွင့်သွားပါပြီ။” ဟု ကျောက်မဲမြို့နယ် လူမှုကူညီရေးလုပ်ငန်း ပါဝင်လုပ်ဆောင်နေသူတစ်ဦးကပြောပြသည်။
မိုးနှင့်အတူ လေပြင်း တိုက်ခတ်မှုကြောင့် ကျောက်မဲ-နောင်ချိုလမ်းပေါ်ရှိ အပင်ကြီးအချို့လဲကျမှုကြောင့် လမ်းပိတ်ခဲ့ပြီး ယနေ့နံနက်(၉)နာရီတွင် လမ်းပြန်ပွင့်ပြီဖြစ်သည်။
