ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
ယမန်နေ့ ဩဂုတ်လ (၂၇)ရက်နေ့ ညသန်းခေါင်ယံခန့်တွင် သျှမ်းပြည်နယ်မြောက်ပိုင်း ကျောက်မဲမြို့၊ ၉ ရပ်ကွက်ရှိ အမှတ်(၂) အခြေခံပညာအထက်ကျောင်းဝင်းအတွင်းအား စစ်ကောင်စီက လေယာဉ်ဖြင့် ပေါင်(၅၀၀)ဗုံး ကြဲချတိုက်ခိုက်မှုပြုလုပ်ခဲ့သည်။ အဆိုပါ ဗုံးကြဲတိုက်ခိုက်မှုကြောင့် စာသင်ကျောင်းအနီးရှိ နေအိမ်အချို့ ပျက်စီးခဲ့ရပြီး လူထိခိုက်သေဆုံးခြင်းမရှိကြောင်း သိရသည်။
“မနေ့ညက ၁၁ နာရီကျော်ကျော်လောက်မှာ အထက ၂ ထဲကို ဂျက်ဖိုက်တာနဲ့ ပေါင် ၅၀၀ ဗုံး ကြဲချသွားတာ တစ်မြို့လုံးလန့်နိုးကုန်တယ်။ လူအထိအခိုက်တော့ မရှိဘူး။ ဒီနေ့ မနက်ပိုင်းတော့ ဗဟိုဈေးကို ပုံမှန်အတိုင်းပဲဖွင့်ပြီး လူတွေတော့ ပုံမှန်အတိုင်း ဈေးဝယ်ထွက်လာကြပါတယ်။”ဟု ကျောက်မဲမြို့ခံတစ်ဦးက ပြောပြသည်။
စစ်ကောင်စီတပ်၏ ဗုံးကြဲမှုပြုလုပ်ပြီးနောက် ဒေသခံအချို့ ထိတ်လန့်ပြီး ပြန်လည်ထွက်ပြေးတိမ်းရှောင်နေကြသည်။ ကျောက်မဲမြို့ခံများသည် နောင်ပိန်ကျေးရွာဘက်ကို ယာယီတိမ်းရှောင်နေကြသည်။ ကျောက်မဲမြို့အား TNLA အဖွဲ့က သိမ်းပိုက်ထားခြင်းဖြစ်ပြီး အုပ်ချုပ်ရေး ယန္တရားလည်ပတ်ရန် ကြိုးစားနေကြောင်း သိရသည်။
