ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
သျှမ်းပြည်နယ်မြောက်ပိုင်း၊ TNLA ထိန်းချုပ်တဲ့နယ်မြေမှာ ဇန်နဝါရီလ တစ်လအတွင်း စစ်ကောင်စီရဲ့ လေကြောင်းတိုက်ခိုက်မှုကြောင့် ပြည်သူ(၁၃)ဦး သေဆုံးပြီး(၂၆)ဦး ဒဏ်ရာရတယ်လို့ TNLA က ယမန်နေ့မှာ ထုတ်ပြန်ထားပါတယ်။
တိုက်ပွဲဖြစ်ပွားခြင်းမရှိတဲ့ မိုးကုတ်မြို့အရှေ့ပိုင်းကို ပြီးခဲ့သည့် ဇန်နဝါရီလ(၈)ရက်က စစ်ကောင် စီဘက်မှ လေကြောင်းနဲ့ ဗုံး(၂၀)လုံးခန့် လာရောက်ကြဲကျတိုက်ခိုက်ခဲ့တာကြောင့် ဒေသခံပြည်သူများရဲ့နေအိမ်(၅)လုံးနဲ့ ဘုန်းကြီးကျောင်း(၁)ကျောင်း ထိခိုက်ပျက်စီးသွားခဲ့တယ်လို့ ဆိုပါတယ်။
ပြီးခဲ့တဲ့ ဇန်နဝါရီလ(၂၁)ရက်နဲ့ (၂၂)ရက်မှာလည်း နောင်ချိုမြို့နယ်ကို ဂျက်ဖိုက်တာနဲ့ လာရောက်ဗုံးကြဲတာကြောင့် (၉)ဦးသေဆုံးပြီး (၃)ဦး ထိခိုက်ဒဏ်ရာရတဲ့အပြင် နေအိမ် (၉)လုံးနဲ့ ဘုန်ကြီးကျောင်း(၁)ကျောင်း ထိမှန်ပျက်စီးသွားခဲ့ပါတယ်။
ဒါ့အပြင် ကျောက်မဲမြို့နယ်ရှိ ခရိုင်ရုံးနဲ့ ပြည်သူ့ဆေးရုံကို စစ်ကောင်စီက ဇန်နဝါရီလ(၂၅)ရက်နဲ့ (၂၆)ရက်နေ့မှာ ဗုံးလာရောက်ကြဲချတိုက်ခိုက်မှုကြောင့် (၄)ဦးသေဆုံးပြီး (၂၃)ဦး ထိခိုက်ဒဏ်ရာရရှိကာ နေအိမ်(၁၂)လုံး ထိမှန်ပျက်စီးသွားခဲ့တယ်လို့ ထုတ်ပြန်ချက်အရ သိရပါတယ်။
တိုက်ပွဲဖြစ်ပွားခြင်းမရှိတော့တဲ့ စစ်ကောင်စီ လက်လွတ်ဆုံးရှုံးခဲ့ရသော နယ်မြေများကို အုပ်ချုပ် ရေး ယန္တရား မလည်ပတ်နိုင်အောင် စစ်ကောင်စီက ရည်ရွယ်ချက်ရှိရှိနဲ့ လေကြောင်းအသုံးပြုပြီး ဗုံးကြဲတိုက်ခိုက်နေတာပဲဖြစ်ပါတယ်။
