ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
TNLA ပလောင်တိုင်းရင်းသားလက်နက်ကိုင်အဖွဲ့က ၁ လကျော် ပြန်ပြေးဆွဲထားသော သျှမ်းပြည်နယ်မြောက်ပိုင်း၊ ကျောက်မဲမြို့နယ် မန်ခါ ကျေးရွာအုပ်စုမှ သျှမ်းရွာသား ၃ ဦးဖြစ်သည့် ခိင်းစိုင်းမောင်/ စိုင်းသန်းမောင် (ဟဲပုကျေးရွာ)၊ စိုင်းအောင်ခင် (ဟဲပုကျေးရွာ)၊ စိုင်းထွန်းမောင် (မန်ခါမန်ကျောင်းရွာမကြီးနေ ဆန်စက်ပိုင်ရှင်) တို့ကို ယနေ့ထိ ပြန်လွှတ်ပေးခြင်းမရှိကြောင်း သတင်းရရှိပါသည်။
ကျောက်မဲမြို့နယ် မန်ခါ ကျေးရွာအုပ်စုထဲသို့ မေလ ၂၈ ရက်နေ့က ဝင်ရောက်လာကြပြီး သျှမ်းရွာသား ၄ ဦးဖြစ်သည့် ခိင်းစိုင်းမောင်/ စိုင်းသန်းမောင် (ဟဲပုကျေးရွာ)၊ စိုင်းအောင်ခင် (ဟဲပုကျေးရွာ)၊ စိုင်းထွန်းမောင် (မန်ခါမန်ကျောင်းရွာမကြီးနေ)၊ စိုင်းဆာထွန်း (မန်ဝိန်းကျေးရွာ) တို့ကို TNLA အဖွဲ့ဝင်အချို့က ဝင်ရောက်ဖမ်းဆီးခေါ်ဆောင်သွားကြောင်း အမည်မဖော်လိုကြသည့် ရွာခံအချို့က ပြောပါသည်။
မန်ခါမန်ကျောင်းရွာမှ ရွာလူကြီးအချို့ သွားရောက် ညှိနှိုင်းပြီးနောက် စိုင်းဆာထွန်းကိုသာ ပြန်လွတ်ပေးလိုက်ပြီး ကျန် ၃ ဦးကို TNLA က လွတ်ပေးခြင်းမရှိပဲ ဟူးကွက်ရွာ သျှမ်းရွာပျက်ဘက်သို့ ဖမ်းဆီးခေါ်ဆောင်သွားခဲ့သည်ဟုပြောဆိုကြောင်း ကြားသိရသည်။
TNLA အဖွဲ့မှ ဟူးကွက်ရွာအထိုင် သိန်းရွှေ အမည်ရသူက ၎င်းတို့မိသားစုဝင်များထံ ရံဖန်ရံခါဖုန်းဆက်လာသည်ဟု ပြောပါသည်။
၎င်းတို့သည် အိမ်ထောင်သည်များ သားသမီးများ ရှိနေကြသူများ၊ ရပ်ရွာလူငယ်အရေး ဆောင်ရွက်နေသူများဖြစ်ပြီး မူးယစ်ဆေးဝါးသုံးစွဲခြင်း ရောင်းဝယ်ဖောက်ကားခြင်းနှင့်ပါတ်သက်၍ မရှိကြောင်း ပြောပါသည်။
