စက်သုံးဆီဝယ်ယူသုံစွဲသူတွေထိခိုက် နစ်နာစေတဲ့ ဆိုင်ပိတ်ထားတာ၊ Scan မဖတ်ဘဲ ရောင်းချတာ၊ ဈေးတင်ရောင်းချတာနဲ့ တရားမဝင်ရောင်းချတာတွေကို Call Center မှတဆင့် တိုင်းကြားလာမှု အပေါ် စက်သုံးဆီ အရောင်းဆိုင် ၁၇ ဆိုင်ကို အရေးယူထားတယ်လို့ စစ်ကော်မရှင်က ဒီနေ့ထုတ် သတင်းစာမှာ ဖော်ပြထားပါတယ်။
အရေးယူထားတဲ့ဆိုင်တွေကတော့ နေပြည်တော်၊ပျဉ်းမနားမြို့နယ်ရှိ “TGB” စက်သုံးဆီ အရောင်းဆိုင်၊ ပုဗ္ဗသီရိမြို့နယ်ရှိ “ရွှေပိုး” ဆီဆိုင်၊ “Terminal 001” ဆီဆိုင်၊ မန္တလေးတိုင်း ပုသိမ်ကြီးမြို့နယ်ရှိ “Away” ဆီဆိုင်၊ အမရပူရမြို့နယ်ရှိ “အောင်ဗိုလ်ဟိန်း” ဆီဆိုင်၊ စဉ့်ကိုင်မြို့နယ်ရှိ “စိန်စီအောင်” ဆီဆိုင်၊ ပြည်ကြီးတံခွန်မြို့နယ်ရှိ “အောင်သန်းကျော်” ၊ “အောင်သိဒ္ဒိ” ၊ “ရွှေခြင်္သေ့”၊ “မိုးကောင်းကင်” ၊ “စွမ်းအင်” ဆီဆိုင်၊ ရန်ကုန်တိုင်း သန်လျင်မြို့နယ်ရှိ “Apex” ဆီဆိုင်၊ ဒဂုံမြို့သစ်အရှေ့ပိုင်းမြို့နယ်ရှိ “BOC” ဆီဆိုင်၊ မော်လမြိုင်မြို့ရှိ “စွမ်းမြန်မာ” နဲ့ “Parent Love- 01” ဆီဆိုင်၊ ကျိုက်မရောမြို့နယ်ရှိ “Puma Power” ဆီဆိုင်၊ ပေါင်မြို့နယ်ရှိ “မင်းသန့်-၉” ဆီဆိုင် စုစုပေါင်း စက်သုံးဆီအရောင်းဆိုင် ၁၇ ဆိုင်ဖြစ်ပါတယ်။
ဒါ့အပြင် Bar Code/ QR Code တွေ Scan မဖတ်ဘဲ ရောင်းချနေတာကို စိစစ်တွေ့ရှိရတဲ့ နေပြည်တော်မှ စက်သုံးဆီအရောင်းဆိုင် ၃ ဆိုင်၊ ရန်ကုန်မှ ၄ ဆိုင်၊ မန္တလေးမှ အရောင်းဆိုင် ၁၀ ဆိုင်နဲ့ တောင်ကြီးမြို့မှ ၇ ဆိုင်တို့ကို ပြင်းထန်စွာ သတိပေးထားပြီး ညွှန်ကြားချက်တွေ လိုက်နာမှုမရှိဘဲ ထပ်မံစိစစ်တွေ့ရှိရပါက ထိရောက်စွာ အရေးယူဆောင်ရွက်သွားမှာဖြစ်တယ်လို့ စစ်ကော်မရှင်ရဲ့ စွမ်းအင်ဝန်ကြီးဌာန က ထုတ်ပြန်ထားပါတယ်။