ပလောင်ပြည်နယ်လွတ်မြောက်ရေးတပ်ဦး (PSLF/TNLA)၏ အကောက်ခွန်ဌာနမှ TNLA ထိန်းချုပ်နယ် မြေအတွင်းရှိ ဒေသခံပြည်သူလူထုများ၏ အခက်အခဲများကိုဖြေရှင်းနိုင်ရန် ပလောင်ဒေသအတွင်းသို့ တင်သွင်းလာသည့် သွင်းကုန်/ပို့ကုန်အပေါ် ခွန်ကင်းလွတ်ခွင့်ပြုလိုက်ကြောင်း ယနေ့ နိုဝင်ဘာလ(၅)ရက်နေ့တွင် TNLA က အသိပေးထုတ်ပြန်ကြေညာထားသည်။
မန္တလေးတိုင်းမှ ပလောင်ဒေသအတွင်းသို့တင်သွင်းလာသည့် သွင်းကုန်များဖြစ်သည့် စားသောက် ကုန်ပစ္စည်းများ၊ စက်သုံးဆီအမျိုးမျိုး၊ အိမ်သုံးကုန် ပစ္စည်းများနှင့် ဒေသတွင်း အချင်းချင်း ကူသန်းရောင်းဝယ်မှုနှင့် သွင်းကုန်/ပို့ကုန်အပေါ် အခွန် ကောက်ခံမည် မဟုတ်ကြောင်းနှင့် ဒေသခံပြည်သူလူထုများအပေါ် အခွန်ကင်းလွတ်ခွင့်ပေးသွားမည်ဖြစ်သည်ဟု သိရသည်။
သို့သော် PSLF/TNLA၏ အကောက်ခွန်ဌာနမှ အခွန်ကောက်ခံမည့် ကုန်ပစ္စည်းများနှင့် ပတ်သက်ပြီး ပလောင်ဒေသနှင့် တရုတ်ပြည်အကြား သွင်းကုန်/ပို့ကုန်ကုန်ပစ္စည်းများ နှင့် ပလောင်ဒေသမှ မန္တလေး တိုင်း သို့ တင်ပို့သည့်ကုန်ပစ္စည်းများကိုမူ အခွန် ကောက်ခံ သွားမည်ဖြစ်ကြောင်း ထုတ်ပြန်ထားသည်။
