သျှမ်းပြည်တောင်ပိုင်း၊ ဆီဆိုင်မြို့နယ် နားခိုက်ကျေးရွာမှာ ယမန်နေ့ ဇူလိုင်(၆)ရက် နံနက်ပိုင်းအချိန်တွင် စစ်ကောင်စီလက်အောက်ခံ PNO ပြည်သူ့စစ်က နားခိုက်ကျေးရွာအတွင်းသို့ စစ်ကြောင်းထိုး ဝင်ရောက်ပြီး နေအိမ်(၈)လုံးထက်မနည်း မီးရှို့ဖျက်ဆီးပြီး နားခိုက်ကျေးရွာ ဒေသခံ(၃)ဦးကို ရွာလယ်ခေါင်တွင် ပစ်သတ်ကာ (၁ဝ)ဦးထက်မနည်း ဖမ်းဆီးခေါ်ဆောင်သွားကြောင်း PNLA သတင်းရင်းမြစ်မှ သိရသည်။
အဆိုပါ နားခိုက်ကျေးရွာသည် ပအိုဝ်းအမျိုးသားလွတ်မြောက်ရေးတပ်မတော် (PNLA) စစ်ဦးစီးချုပ်၏ ဇာတိကျေးရွာြဖစ်ပြီး ပြီးခဲ့သည့် ဧပြီလ(၂၁)ရက်နေ့ကလည်း PNO ပြည်သူ့စစ်များက PNLA စစ်ဦးစီးချုပ်မိသားစုပိုင် နေအိမ်အပါအဝင် နေအိမ် (၇)လုံး ကို ဝင်ရောက်မီးရှို့ဖျက်ဆီးခဲ့သလို ယခုအကြိမ်သည် PNO ပြည်သူ့စစ်က နားခိုက်ကျေးရွာကို ဒုတိယအကြိမ်ဝင်ရောက် မီးရှို့ဖျက်ဆီးကြောင်း သိရသည်။
နားခိုက်ကျေးရွာရှိ ဒေသခံပြည်သူများကို တော်လှန်ရေး အားပေးထောက်ခံသည်ဟုဆိုကာ PNO ပြည်သူ့စစ်များက စွပ်စွဲပြောဆိုပြီး ဒေသခံ(၃)ဦးကို ပစ်သတ်ခဲ့ကြောင်း သိရှိရပါသည်။
