ပအိုဝ်းအမျိုးသားလွတ်မြောက်ရေးအဖွဲ့ချုပ် (PNLO/PNLA) သည် အောက်တိုဘာလ (၁၁)နှင့် (၁၂) နေ့တို့တွင် တတိယအကြိမ် ညီလာခံသက်တမ်း ဗဟိုကော်မတီနှင့်တပ်မှူးများ အရေးပေါ်အစည်းအဝေး ကျင်းပခဲ့သည်။ PNLO နာယက ဖြစ်သူ ဗိုလ်မှူးကြီး ခွန်ဥက္ကာသည် စက်တင်ဘာ ၁၅ ရက်ကစ၍ အဖွဲချုပ်မှ နုတ်ထွက်ကြောင်း ထုတ်ပြန်ခဲ့သလို အောက်တိုဘာ ၉ ရက်တွင် PNLO – NCA-S ကို ပြန်လည်ဖွဲစည်းကြောင်း ကြေညာခဲ့သည်။
အဆိုပါကြေညာချက်နှင့်ပတ်သက်၍ PNLO အမည်ကို အလွဲသုံးစားပြု၍ အဖွဲဖွဲစည်းခဲ့ခြင်းမှာ PNLO ၏ အခြေခံမူနှင့် ဖွဲစည်းပုံ အခြေခံ ဥပဒေကို ချိုးဖောက်သည်ဟု PNLO အစည်းအဝေးတွင် ဆုံးဖြတ်ခဲ့ကြပြီး ဗိုလ်မှူးကြီးခွန်ဥက္ကာတို့အနေဖြင့် PNLO ဟူသော အမည်ကို အသုံးပြုခွင့်မရှိကြောင်း ထုတ်ပြန်ကြေညာလာသည်။
