ယမန်နေ့ ဒီဇင်ဘာလ ၂၈ ရက်က ကျင်းပပြီးစီးသွားတဲ့ ရွေးကောက်ပွဲမှာ သျှမ်းပြည်တောင်ပိုင်း၊ လင်းခေးမြို့နယ် ပြည်သူ့လွှတ်တော်ကိုယ်စားလှယ်နေရာမှာ ဝင်ရောက်ယှဥ်ပြိုင်တဲ့ စိုင်းဆေဟန် ဟာ မဲရလဒ်အရ အနိုင်ရရှိသွားခဲ့တယ်လို့ သိရပါတယ်။
စိုင်းဆေဟန် သည် ပြီးခဲ့တဲ့ ၂၀၂၀ ရွေးကောက်ပွဲက အမျိုးသားဒီမိုကရေစီအဖွဲ့ချုပ်(NLD) ပါတီကနေ ဝင်ယောက်ယှဥ်ပြိုင်ခဲ့သူဖြစ်ကာ အခု စစ်ကောင်စီကျင်းပတဲ့ ရွေးကောက်ပွဲမှာ ရှမ်းနှင့်တိုင်းရင်းသားများဒီမိုကရက်တစ်ပါတီ (SNDP) ကနေ ဝင်ရောက်ယှဥ်ပြိုင်ပြီး အနိုင်ရခဲ့ပါတယ်။
လင်းခေးမြို့နယ် မဲဆန္ဒနယ်မှာ ဝင်ရောက်ယှဥ်ပြိုင်တဲ့ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)မှ ပြည်သူ့ လွှတ်တော်ကိုယ်စားလှယ်လောင်း ဒေါက်တာကျော်ထွန်း ကို အနိုင်ရခဲ့တာပါ။
ရွေးကောက်ပွဲကျင်းပတဲ့ ရက်မှာပဲ NLD ပါတီဗဟိုကော်မတီက စစ်ကော်မရှင်ရဲ့ ရွေးကောက်ပွဲကို အားပေးကူညီလို့ဆိုပြီး စိုင်းဆေဟန် အား ပါတီဝင်အဖြစ်ကနေ ထုတ်ပယ်ကြောင်း ကြေညာထားပါတယ်။