အောက်တိုဘာလ (၁၅) ရက်နေ့က နေပြည်တော်တွင်ကျင်းပပြုလုပ်ခဲ့သော တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် – NCA (၈) နှစ်ပြည့် အထိမ်းအမှတ်အခမ်းအနား ကျင်းပပြုလုပ်ခဲ့သည်။ ထိုအခမ်းအနားသို့ ABSDF မှ ဒုတိယဥက္ကဌ ရဲဘော်မျိုးဝင်းအပါအဝင် ရဲဘော်စောမောင်ဦးနှင့်ရဲဘော်မင်းဇော်တို့ တက်ရောက်ခဲ့သည်။
အောက်တိုဘာလ (၁၆) ရက်နေ့တွင် ABSDF မှ ဗဟိုကော်မတီအစည်းအဝေးကျင်းပပြုလုပ်ခဲ့ပြီး NCA (၈) နှစ်ပြည့်အထိမ်းအမှတ်အခမ်းအနား သွားရောက်ခဲ့သော ဒုဥက္ကဌနှင့် အဖွဲ့ဝင်တို့အား တာဝန်မှရုတ်သိမ်းကြောင်း ထုတ်ပြန်ကြေညာခဲ့သည်။ ထိုသို့ သွားရောက်တက်ရောက်ခဲ့ရာတွင်လည်း အဖွဲ့အစည်း၏ ဆုံးဖြတ်ချက်မဟုတ်ဘဲ ၎င်းတို့ဆန္ဒသဘောထားအရသာ တက်ရောက်ခဲ့ခြင်းဖြစ်သည်ဟု ဖော်ပြထားသည်။
ABSDF သည် NCA လက်ရေးထိုးထားသော အဖွဲ့အစည်းဖြစ်ပြီး စစ်ကောင်စီမှ အာဏာသိမ်းပြီးနောက် NCA ပျက်ပြယ်သွားပြီဟု ထုတ်ပြန်ကြေညာခဲ့ဖူးသည်။
