ပခုက္ကူမြို့နယ်၊ ပဒိုင်းခြုံကျေးရွာအနီးရှိ Myanmar Effort Company Limited အထည်ချုပ်စက်ရုံ မန်နေဂျာ နှင့် တရုတ်နိုင်ငံသူ အထည်ချုပ်ပညာရှင်တို့ ၂ ဦး ၂၀၂၃ ခုနှစ်၊ ဇန်နဝါရီလ (၂၆) ရက် နံနက်ပိုင်းက လူတစု၏ ဖမ်းဆီးခေါ်ဆောင်သွားခြင်း ခံထားရကြောင်း စကစဘက်က ထုတ်ပြန်ထားသည်။
အဆိုပါ အထည်ချုပ်စက်ရုံတွင် စက်ရုံတာဝန်ခံအဖြစ် တရုတ်နိုင်ငံသား Mr. RAO MING CHUN အပါအဝင် တရုတ်နိုင်ငံသား အမျိုးသား ၅ ဦး၊ အမျိုးသမီး ၁ ဦးနှင့် ဝန်ထမ်း အမျိုးသား ၃၁၅ ဦး၊ အမျိုးသမီး ၇၈၅ ဦး စုစုပေါင်း ၁၁၀၀ ဦးရှိပြီး ၂၀၁၇ ခုနှစ်က စတင်တည်ဆောက်ခဲ့ပြီး ၂၀၁၈ ခုနှစ်တွင် စတင် လည်ပတ်ကာ အဝတ်အထည်များထုတ်လုပ်၍ တရုတ်နိုင်ငံသို့ Export ပြန်လည် တင်သွင်းနေသည့် စက်ရုံတစ်ခုဖြစ်ကြောင်း ရေးသားဖော်ပြထားသည်။
