ဖမ်းဆီးခံထားရသည့် ဒေါ်အောင်ဆန်းစုကြည် ထွက်လာသော်လည်း မပြောင်းလဲ ပြည်သူ့ဆန္ဒအတိုင်းရှေ့ဆက်မည်ဟု NUG ဝန်ကြီးချုပ်ပြော | အရေးပေါ်ကာလသက်တမ်း (၆) လ ထပ်တိုးကြောင်း အမျိုးသားကာကွယ်ရေးနှင့်လုံခြုံရေးကောင်စီ အစည်းအဝေးကျင်းပပြီးသတ်မှတ်
MNDAA ထိန်းချုပ်ထားသော လားရှိုးမြို့သို့ အောက်တိုဘာလ(၂၂)ရက် သန်းခေါင်ယံအချိန်က စစ်ကောင်စီမှ လေယာဉ်ဖြင့် ဗုံးကျဲတိုက်ခိုက်ရာ ရပ်ကွက် ၁၂ နှင့် မန်ဆူဘုန်းကြီးကျောင်းအနီး ရှမ်း တောင်တန်းလမ်းကြားရှိ လူနေအိမ်ပေါ်သို့ ကျရောက်ပေါက်ကွဲပြီး ဒေသခံပြည်သူ (၂)ဦး ထိခိုက်ဒဏ်ရာရရှိကာ လူနေအိမ်(၃)လုံး ထိခိုက်ပျက်စီးကြောင်း လားရှိုးအခြေစိုက် Freedom Youth Volunteers အဖွဲ့မှ သိရသည်။
စစ်ကောင်စီအနေဖြင့် MNDAA ထိန်းချုပ်ရာဒေသများရှိ လူနေအိမ်များ၊ ဈေးဆိုင်ခန်းများ၊ စာသင်ကျောင်းများနှင့် ဘာသာရေးအဆောက်အအုံများသို့ ဦးတည်ပြီး လေကြောင်းဖြင့်ဗုံးကြဲတိုက်ခိုက်မှုပြုလုပ်လျက်ရှိရာ သုံးလကျော်ကြာ ကာလအတွင်း အရပ်သားပြည်သူ (၁၀၀)ကျော် ထိခိုက်သေဆုံးမှုရှိကြောင်း MNDAA မှ ထုတ်ပြန်ထားပါသည်။
