သျှမ်းပြည်နယ်မြောက်ပိုင်းကွတ်ခိုင်မြို့နယ်တွင် ၂၀၂၂ခုနှစ် မတ်လ ၁၂ ရက်နေ့က အသက် (၈) နှစ်အရွယ်ကလေးငယ်တစ်ဦးအား လူတစ်စုမှ ဖမ်းဆီးပြီး ပြန်ပေးဆွဲ ငွေညစ်တောင်းခဲ့ကြောင်း သိရသည်။
ပြန်ပေးဆွဲမှုကျူးလွန်ခဲ့သည့် လူ(၂) ဦးသည့် ကလေးငယ်အား ပြန်ရွေးရန် တရုတ်ယွမ် ၅ သိန်း တောင်းခံခဲ့ပြီး မိဘများမှ ငွေကြေးတစ်ဝက်သာပေးနိုင်ခဲ့သည်ဟု ဆိုသည်။ ထို့ကြောင့် ၎င်းတို့မှ ကလေးအား သတ်ဖြတ်ပစ်ခဲ့ကြောင်း သိရသည်။
သို့သော် ၎င်းတို့ကို ၂၀၂၂ခုနှစ် မတ်လ ၂၅ ရက်နေ့က MNDAA အဖွဲ့မှ ပြန်လည်ဖမ်းဆီးရမိခဲ့သည်ဟု သိရသည်။ အဆိုပါ ပြန်ပေးဆွဲမှုနှင့် လူသတ်မှုကျူးလွန်ခဲ့သူ (၂)ဦးကို MNDAA အဖွဲ့မှ မေလ ၂၀ရက်နေ့ တွင် သေဒဏ်ပေးပြီး စီရင်ခဲ့ကြောင်း The Kokang သတင်းက ဖော်ပြထားသည်။
