အမေရိကန်နှင့် အစ္စရေးတို့က အီရန်အပေါ် တိုက်ခိုက်မှုများ ပြုလုပ်ခဲ့ပြီးနောက် ဒေသတွင်းမှာစစ်ပွဲအသစ်တစ်ခု ဖြစ်ပွားလာရာ ဟော်မုဇ် ရေလက်ကြား (Strait of Hormuz) ပြင်ပရှိ ပင်လယ်ကွေ့မှာ ရေနံစိမ်းနဲ့ သဘာဝဓာတ်ငွေ့ရည် (LNG) တင်ဆောင်တဲ့ သင်္ဘောအစီးရေ အနည်းဆုံး ၁၅၀ ကျော် ရပ်တန့်သွားခဲ့တယ်လို့ နိုင်ငံတကာသတင်းတွေက ရေးသားဖော်ပြနေပါတယ်။
ဒါ့အပြင် အဲ့ဒီရေလမ်းကြောင်းရဲ့ အခြားတစ်ဖက်မှာလည်း နောက်ထပ် သင်္ဘောအစီးရေ ဒါဇင်ပေါင်းများစွာ ငြိမ်သက်စွာ ရပ်တန့်နေတယ်လို့ သိရပါတယ်။
MarineTraffic ပလက်ဖောင်းမှ သင်္ဘောခြေရာခံ အချက်အလက်များအပေါ် ခန့်မှန်းချက်များအရ အဆိုပါ ရေနံ တင်သင်္ဘောတွေဟာ အီရတ်၊ ဆော်ဒီအာရေဗျ နဲ့ LNG အဓိကထုတ်လုပ်တဲ့ ကာတာနိုင်ငံတို့အပါအဝင် ပင်လယ်ကွေ့ ရေနံထုတ်လုပ်ရာ အဓိကနိုင်ငံများရဲ့ ကမ်းလွန်ပင်လယ်ပြင်မှာ စုပြုံရပ်နားနေကြတာဖြစ်တယ်လို့ သိရပါတယ်။