သျှမ်းပြည်ပြန်လည်ထူထောင်ရေးကောင်စီ RCSS အနေနဲ့ ပြဿနာများကို ဆွေးနွေးခြင်း နည်းလမ်းဖြင့် ဖြေရှင်းနိုင်ရေး ပေါ်လစီချမှတ်ထားတဲ့အတွက် အဖွဲ့အစည်းတိုင်းနဲ့ တွေ့ဆုံဆွေးနွေးနိုင် ရေးကို အမြဲတမ်းတံခါးဖွင့်ထားပြီး အနာဂတ်ကာလမှာ သျှမ်းပြည်ဟာ သျှမ်းပြည်တိုင်းရင်းသားများ စုပေါင်းတည်ထောင်တဲ့ ပြည်ထောင်စုသျှမ်းပြည် အဖြစ် တည်ဆောက်ရမယ်လို့ RCSS ဥက္ကဋ္ဌ ဗိုလ်ချုပ်ကြီး ယွတ်စစ် က ပြောပါတယ်။
ယနေ့ ဖေဖော်ဝါရီလ(၇)ရက်နေ့ နံနက်ပိုင်းက မိုင်းပန်မြို့နယ်၊ နားဆာလဲကျေးရွာရှိ ငြိမ်းချမ်းရေး ကွင်းမှာပြုလုပ်တဲ့ (၇၈)နှစ်မြောက် သျှမ်းပြည်အမျိုးသားနေ့ အခမ်းအနားမှာ သျှမ်းပြည်ပြန်လည် ထူထောင်ရေးကောင်စီ/သျှမ်းပြည်တပ်မတော် (RCSS/SSA) ဥက္ကဋ္ဌ က အထက်ပါအတိုင်း ပြောကြား တာြဖစ်ပါတယ်။
ဒါ့အပြင် ပြည်ထောင်စုမြန်မာနိုင်ငံဟာလည်း လက်ရှိ ကမ္ဘာ့နိုင်ငံရေးအခင်းအကျင်းနဲ့ ကိုက်ညီတဲ့ ဖက်ဒရယ်ဒီမိုကရေစီပြည်ထောင်စု တည်ဆောက်ရမယ်လို့ ဆိုပါတယ်။
တော်လှန်ရေးအဖွဲ့အစည်းတိုင်းသည် မိမိလူမျိုးအတွက် ကိုယ်ပိုင်ပြဋ္ဌာန်းခွင့်ရရှိရေး၊ တိုင်းပြည်အေးချမ်းသာယာဖွံ့ဖြိုးတိုးတက်ရေးနဲ့ စီးပွားရေး ကောင်းမွန်ရေးအတွက် တော်လှန်နေကြ တာဖြစ်ကာ ပြဿနာဖြေရှင်းနိုင်ရေးအတွက် အဖွဲ့အစည်းတိုင်းက နိုင်ငံရေးဆွေးနွေးပွဲကို လွတ်လွတ် လပ်လပ် ကျင်းပရမှာဖြစ်ပြီး စစ်ရေးဖြင့် ပြဿနာများ ဖြေရှင်းပါက ပြည်ထောင်စုတဝန်းလုံးရှိ ပြည်သူ လူထုများသာ အတိဒုက္ခ ဘေးအန္တရာယ်များနဲ့ ကြုံတွေ့ရမှာဖြစ်တယ်လို့ ထည့်သွင်းပြောကြားသွား ပါတယ်။