မြန်မာနိုင်ငံမှာ လက်ရှိဖြစ်ပွားနေတဲ့ ပဋိပက္ခအပေါ် အမေရိကန်က နက်ရှိုင်းစွာ စိုးရိမ်ပူပန်လျက်ရှိပြီး အကြမ်းဖက်မှုများ ရပ်တန့်ဖို့ စစ်ကော်မရှင်တပ် အား အမေရိကန်နိုင်ငံခြားရေးဝန်ကြီး မာကိုရူဘီယို က တိုက်တွန်းထားပါတယ်။
ဒီကနေ့ ဇန်နဝါရီလ ၄ ရက်နေ့မှာ ကျရောက်တဲ့ မြန်မာနိုင်ငံရဲ့ ၇၈ နှစ်မြောက် လွတ်လပ်ရေးနေ့ အထိမ်းအမှတ်မှာ အမေရိကန်နိုင်ငံခြားရေးဝန်ကြီး က ပြောဆိုလိုက်တာပါ။
ဒါ့အပြင် လူသားချင်းစာနာထောက်ထားမှု အကူအညီများ အတားအဆီးမရှိ ရရှိရေးကို အာမခံရန်၊ မတရား ဖမ်းဆီးထားသူတွေကို လွှတ်ပေးရန်နဲ့ ပဋိပက္ခကို ငြိမ်းချမ်းစွာနှင့် ရေရှည်အဆုံးသတ်ဖို့ တွေ့ဆုံဆွေးနွေးကြရန်လည်း တိုက်တွန်းထားပါတယ်။
အမေရိကန်သည် မြန်မာပြည်သူများရဲ့ ငြိမ်းချမ်း တရားမျှတပြီး သာယာဝပြောရေးရှိတဲ့ အနာဂတ် တည်ဆောက်ရေးအတွက် သန္နိဋ္ဌာန် ချထားပြီး ဆက်လက်ကတိပြုထားတယ်လို့ ဆိုထားပြီး အင်ဒို− ပစိဖိတ်ဒေသအတွက် လုံခြုံပြီး ကြွယ်ဝချမ်းသာရေးအတွက် မရှိမဖြစ် လိုအပ်တယ်လို့ ထုတ်ပြန်ချက် မှာ ဖော်ပြထားပါတယ်။